થાઈલેન્ડના 66 વર્ષના રાજાએ પોતાની પર્સનલ બોડીગાર્ડ સાથે લગ્ન કરી લીધાં

ડેપ્યુટી કમાન્ડર તરીકે ફરજ બજાવતી હતી નવી રાણી

બેંગકોક: થાઈલેન્ડના 66 વર્ષના રાજાએ સુથિદા નામની પોતાની 40 વર્ષની બોડીગાર્ડ સાથે લગ્ન કરી લીધાં છે. કિંગની નવી રાણી તેમના પર્સનલ બોડીગાર્ડ યુનિટમાં ડેપ્યુટી કમાન્ડર તરીકે ફરજ બજાવતી હતી. 1978માં જન્મેલી સુથિદા એર હોસ્ટેસ તરીકે પણ કામ કરી ચૂકી છે. લગ્ન વખતે તેણે થાઈલેન્ડની પરંપરા પ્રમાણે રાજાના ચરણોમાં પ્રણામ પણ કર્યાં હતાં.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

આવા છે થાઈલેન્ડના કાયદા

થાઈલેન્ડના કાયદા અનુસાર, રાજવી પરિવારના સભ્યની મજાક કે ટીકા નથી કરી શકાતી. જો આવું કરતા કોઈ પકડાય તો તેને 15 વર્ષ સુધીની જેલ થઈ શકે છે. રાજાને પરણ્યા પહેલા જ સુથિદા રોયલ થાઈ આર્મીમાં જનરલનો હોદ્દો ધરાવતી હતી. ખુદ રાજાએ જ તેને ડિસેમ્બર 2016માં આ પ્રમોશન આપ્યું હતું.

રાજાના આ ચોથા લગ્ન

કિંગ વાજિરાલોંગકોર્ન અને સુથિદાના લગ્નથી થાઈલેન્ડની પ્રજા પણ આશ્ચર્યમાં મૂકાઈ ગઈ છે, કારણકે અગાઉ તેમની પર્સનલ રિલેશનશિપ મુદ્દે ક્યારેય કોઈ સમાચાર નહોતા આવ્યા. કિંગ પણ પાછા ત્રણ વાર પરણેલા છે, અને ત્રણેયવાર તેમણે ડિવોર્સ લીધા છે.

થાઈ રોયલ ફેમિલી 30 અબજ ડોલરની માલિક

થાઈલેન્ડના રાજવી પરિવારની ગણના દુનિયાના સૌથી ધનવાન રાજવી પરિવારોમાં થાય છે. થાઈ રોયલ ફેમિલી 30 અબજ ડોલરની માલિક હોવાનું કહેવાય છે. થાઈલેન્ડના રાજાએ કોઈ સામાન્ય યુવતી સાથે લગ્ન કર્યા હોય તેવી આ પહેલી ઘટના છે. તેઓ 2016માં તેમના પિતા કિંગ ભૂમિબોલ અદુયાદેજના અવસાન બાદ રાજા બન્યા હતા. જોકે, તેમની તાજપોશી આ શનિવારે કરવામાં આવશે. જેના માટે ત્રણ દિવસ સુધી રાષ્ટ્રીય સ્તરે ઉજવણી કરાશે.

from Page Array – I Am Gujarat http://bit.ly/2VFoe7K