મુંબઈ: બજારમૂલ્યના સંદર્ભમાં દેશની સૌથી મોટી ખાનગી બેન્ક HDFC બેન્ક 22મેએ તેના શેરના ફેસવેલ્યૂના વિભાજન અંગેની દરખાસ્ત પર વિચારણા કરશે. તેનાથી શેરની લિક્વિડિટીમાં વધારો થશે. બેન્ક તેના શેરની ફેસવેલ્યૂને શેરદીઠ ₹2થી ઘટાડીને ₹1 કરવાની યોજના બનાવી છે.
શેરના ભાવમાં વધારો થાય ત્યારે સામાન્ય રીતે શેર વિભાજનની વિચારણા કરવામાં આવે છે. શેરના વિભાજનથી તેના ભાવમાં ઘટાડો થાય છે અને નાના રોકાણકારોમાં તેના આકર્ષણમાં વધારો થઈ શકે છે. બજારના રોકાણકારો શેરના નીચા ભાવને સસ્તો ગણે છે.
HDFC બેન્કના શેરનો ભાવ છેલ્લા એક વર્ષમાં 17 ટકાના ઉછાળા સાથે સોમવારે ₹2,328.40એ બંધ આવ્યો હતો.
HDFC બેન્ક તેના શેરના ફેસવેલ્યૂને વિભાજન કરતી હોય તેવો આ બીજો કિસ્સો છે. જુલાઈ 2011માં આ અગ્રણી ખાનગી બેન્કે તેના શેરના 1:5ના રેશિયોમાં ટૂકડા કર્યા હતા.
HDFC બેન્કની ઈક્વિટી મૂડી ₹545 કરોડ છે અને તેના ફુલ્લી પેઈડ શેર્સ ₹220 કરોડના છે.
from Page Array – I Am Gujarat http://bit.ly/2LtbRHY
No comments:
Post a Comment