મતદાન અંગે જાગૃતિ ફેલાવવા IRS ઑફિસર અને તેમના પત્ની 21 કીમી દોડ્યા

જયપુર: IRS ઑફિસર સુશીલ કુમાર અને તેમના પત્ની 21 કિમીની હાફ મેરાથોન દોડી પોતાના ગામમાં વોટ કરવા માટે પહોંચ્યા હતા અને આના દ્વારા તેમણે અન્ય લોકોમાં પણ વોટિંગ વિશે અવેરનેસ ફેલાવવાનું કામ કર્યું હતું. હાલમાં જયપુરમાં IRS અધિકારી તરીકે ફરજ બજાવતા કુલ્હારી મૂળ ઝુન્ઝુનુ જિલ્લાના તિલોકા કા બસના રહેવાસી છે. તેમનું ગામ ઝુન્ઝનુ-ચુરુ મેઈન રોડ ઝુન્ઝુનુથી આશરે 21 કિમી દૂર છે.

તેમણે ઝુન્ઝનુ કલેક્ટર ઑફિસથી સવારે 5.45 કલાકે દોડ શરૂ કરી હતી અને આશરે બે કલાકની દોડ બાદ તેઓ પોતાના ગામના પોલિંગ બૂથ પર પહોંચ્યા હતા. આ દોડનો હેતુ લોકોમાં વોટિંગ માટે અવેરનેસ ફેલાવવાનો હતો. કુલ્હારીએ જણાવ્યું કે, ‘અમે ઝુન્ઝનુથી મારા ગામ સુધી દોડીને વોટ કરવા માટે વિચાર્યું. અમે આના દ્વારા લોકોને વોટિંગ માટે અવેર કરવા માગતા હતા. આ તક પાંચ વર્ષમાં ફક્ત એક વખત આવતી હોય છે.’

કુલ્હારી કે જેઓ પહેલા RAS હતા અને બાદમાં ઈન્ડિયન રેવેન્યૂ સર્વિસમાં પસંદગી પામ્યા હતા તેઓ કહે છે કે ‘ઝુન્ઝુના વર્તમાન જિલ્લા પ્રમુખ રાજપાલ સિંહ મારા સહાધ્યાયી હતા. મેં મારો વિચાર તેમની સાથે શેર કર્યો અને તેઓ તરત જ આ હાફ મેરાથોનનો ભાગ બનવા માટે તૈયાર થઈ ગયા.’

સોમવારે ઝુન્ઝુનુના ADM 5.45 કલાકે કલેક્ટર ઑફિસથી આ હાફ મેરાથોન શરૂ કરાવી હતી. કુલ્હારી, તેમના પત્ની ડૉ. સીમા, રાજપાલ સિંહ અને ત્રણ અન્ય અધિકારીઓએ પોલિંગ બૂથ સુધીની દોડ લગાવી હતી અને પોતાના પરિવારના અન્ય સભ્યો સાથે વોટિંગ કર્યું હતું. ફિટનેસ પ્રત્યે ખૂબ જ જાગૃત કુલ્હારીએ કહ્યું કે, તેમણે આ મેરાથોન આશરે 2.45 કલાકમાં પૂરી કરી. ‘દોડ પૂરી કરી જ્યારે હું મારા ગામમાં પહોંચ્યો તો મારું જબરદસ્ત સ્વાગત કરાયું, જેનાથી હું ખૂબ ખુશ થયો. બધાએ મારી આ પહેલને આવકારી.’ અગાઉ પણ જયપુરમાં યોજાનારી ઘણી બધી મેરાથોનમાં આ દંપતી ભાગ લઈ ચૂક્યું છે.

from Page Array – I Am Gujarat http://bit.ly/2VGW6RJ