આ છે High BPના લક્ષણો, એક પણ લક્ષણ દેખાય તો તરત જ બીપી ચેક કરાવી લેજો

વર્લ્ડ હાઈપરટેન્શન ડેઃ

આજે વર્લ્ડ હાઈપરટેન્શન ડે છે. હાઈપર ટેન્શન અંગે લોકોને જાગૃત કરવા માટે આ દિવસ સેલિબ્રેટ કરવામાં આવે છે. આજની આધુનિક જીવનશૈલીમાં બીપીની સમસ્યા બહુ કોમન થઈ ગઈ છે. તે કોઈપણ ચેતવણી આપ્યા વિના આવતી હોવાથી તેને સાઈલન્ટ કિલર પણ કહેવાય છે. ઘણા લોકોને તો એ પણ નથી ખબર હોતી કે એમને બીપીની તકલીફ છે. આથી આ બીમારી સાથે જોડાયેલા કેટલાંક લક્ષણો અને બીપીમાં રાખવી પડતી સાવધાની અંગે જાણી લો તો ફાયદામાં રહેશો.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

જીવલેણ છે હાઈ બીપીઃ

હાઈપર ટેન્શન અનેક કારણોસર થાય છે જેમાંથી કેટલાંક શારીરિક તો કેટલાંક માનસિક હોય છે. તેમાં હાર્ટ, કિડની અને શરીરના બીજા અંગ કામ કરવાનું બંધ કરી શકે છે. આ ઉપરાંત બીપીને કારણે આંખો પર પણ અસર પડી શકે છે. હાઈ બીપીમાં પ્રેશર 140ની પાર પહોંચી જાય છે. આથી આ બીમારીને ગંભીરતાથી લેવી જોઈએ.

સાઈલન્ટ કિલરઃ

હાઈપર ટેન્શનની સૌથી ખતરનાક બાબત એ છે કે એમાં વ્યક્તિને ખબર જ નથી પડતી કે તેને આ પ્રોબ્લેમ છે. હાઈ બીપીથી પીડાતા 33 ટકા લોકોને ખ્યાલ જ નથી કે તેમને આ સમસ્યા છે.

આ લક્ષણ અવગણશો નહિઃ

હાઈ બીપીના અમુક લક્ષણ એવા છે જે તમે ઓળખી શકો છો. જેમ કે- માથામાં અસહ્ય દુઃખાવો, થાક અને કન્ફ્યુઝન, જોવામાં તકલીફ, છાતીમાં દુઃખાવો, શ્વાસ લેવામાં તકલીફ, હૃદય ક્યારેક જોરથી અને ક્યારેક ધીમેથી ધબકવું, પેશાબમાં લોહી પડવું, શરીર હલકુ લાગવુ, માથુ ભમવુ, આંખો લાલ થવી. આ લક્ષણોને અવગણવા ન જોઈએ અને તરત જ ડોક્ટર પાસે જઈ બીપી ચેક કરાવી લેવું જોઈએ.

શું છે કારણ?

કોલેસ્ટ્રોલ વધવો, સ્થૂળતા, વાસાગત, વધુ પડતો માંસાહાર, વધારે તૈલી પદાર્થોનું સેવન, દારુ પીવાથી પણ બીપીની સમસ્યા થઈ શકે છે.

યોગ કરોઃ

શવાસન યોગ નિંદ્રા, શશાંકાસન, પદ્માસન, પવન મુક્તાસન, કૂર્માસન, શીતલી પ્રાણાયામ, ધ્યાન અને અન્ય આસનો હાઈ બીપીમાં ખાસ લાભકારી છે.

આટલું ખાવઃ

હાઈ બીપીના દર્દીઓએ કોથમીર, નારિયેળ, મધ, લીલા શાકભાજી, લસણ અને આદુ ખાસ ખાવા જોઈએ.

આટલું ટાળોઃ

હાઈ બીપીમાં કેળા, આઈસ્ક્રીમ, અથાણુ, વધારે પડતુ નમક અને દહી ખાવાનું ટાળવું જ જોઈએ.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat http://bit.ly/2Hq0uMZ