મહારાષ્ટ્ર દિવસની ઉજવણી કરવા જતા કમાન્ડો પર હુમલો
ગઢચિરોલીઃ મહારાષ્ટ્રના ગઢચિરોલીમાં નક્સલવાદીઓએ મહારાષ્ટ્ર દિવસ પર જ કરીને સુરક્ષાબળોના નિશાન બનાવી આઈઈડી બ્લાસ્ટ કર્યો હતો. આ હુમલામાં 15 જવાન શહીદ થયા હતાં. સી 60 કમાન્ડોનું યૂનિટ ત્યાંથી પસાર થઈ રહ્યું હતું ત્યારે નક્સલવાદીઓએ ઘાત લગાવીને આઈઈડી બ્લાસ્ટ કર્યો હતો. સાથે મહારાષ્ટ્ર દિવસ પ્રસંગે નક્સવાદીઓને ખાનગી કોન્ટ્રાક્ટરોના ત્રણ ડઝન વાહનોમાં આગ લગાવી દીધી હતી.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
IED બ્લાસ્ટમાં 15 જવાન શહીદ
નક્સવલાદીઓએ ગઢચિરોકીના કુરખેડામાં આઈઈડી બ્લાસ્ટ કર્યો હતો. સૂત્રોના જણાવ્યા પ્રમાણે મહારાષ્ટ્રમાં શાંતિપૂર્ણ અને ઉત્સાહપૂર્વક થઈ રહેલા મતદાનથી નક્સલવાદીઓમાં ભારોભાર રોષ હતો જેના કારણે તેમણે આઈઈડી બ્લાસ્ટને અંજામ આપ્યો હતો. નક્સલવાદીઓએ આ ઘટનાને ત્યારે અંજામ આપ્યો હતો જ્યારે મહારાષ્ટ્ર સ્થાપના દિવસની ઉજવણી કરવાની તૈયારીઓ કરવામાં આવી રહી હતી.
કોણ છે સી-60 કમાન્ડો
નક્સલવાદના ખતરાને ધ્યાને રાખીને 1992માં સી-60 ફોર્સ તૈયાર કરવામાં આવી હતી. જેમાં પોલીસના 60 પસંદગી પામેલા જવાનો સામેલ હોય છે. આ કામ ગઢચિરોલીના તત્કાલીન એસ.પી. કે.પી. રઘુવંશીએ કહ્યું હતું. સી-60માં સામેલ પોલીસ જવાનોને ગોરિલ્લા યુદ્ધ માટે પણ તૈયાર કરવામાં આવે છે. તેમની ટ્રેનિંગ હૈદરાબાદ, બિહાર, નાગપુરમાં કરવામાં આવે છે. આ કમાન્ડોને મહારાષ્ટ્રની સૌથી ખતરનાક અને ઉત્કૃષ્ટ ફોર્સ માનવામાં આવે છે. રોજ મળતી ગુપ્ત માહિતીઓના આધારે આ ફોર્સ આસપાસના વિસ્તારોમાં ખાસ ઓપરેશન્સને અંજામ આપે છે. સી-60ના કમાન્ડો પોતાની સાથે લગભગ 15 કિલો વજન ઉઠાવીને જંગલોમાં ફરતા રહે છે. જેમાં હથિયાર ઉપરાંત ખોરાક, પાણી, ફર્સ્ટ એડ અને બીજો જરુરી સામાન હોય છે.
ત્રણ ડઝનથી વધુ વાહન ફૂંક્યા
તો બીજી તરફ નક્સલવાદીઓ ગત વર્ષે 22 એપ્રીલના રોજ સુરક્ષા દળો દ્વારા માર્યા ગયેલા પોતાના 40 સાથીઓની પહેલી વરસી મનાવવા માટે પાછલા એક સપ્તાહથી વિરોધ પ્રદર્શન કરી રહ્યા છે. અહીં તેમણે આ વિસ્તારમાં નિર્માણ કાર્યોમાં લાગેલ અમર ઇન્ફ્રાસ્ટ્રક્ચર લિ.ના 3 ડઝનથી વધુ વાહનોને નિશાન બનાવી સળગાવી નાખ્યા હતા. ઘટનાસ્થળથી ભાગતા પહેલા નક્સલવાદીઓએ પોતાના સાથીઓની મોતના નિંદા કરતા પોસ્ટર ચીપકાવ્યા હતા.
from Page Array – I Am Gujarat http://bit.ly/2GUz8OH
No comments:
Post a Comment