IPL 2019: લોહીથી લથપથ હતો પગ, તો પણ વોટ્સને બનાવ્યા 80 રન

CSK મેચ હાર્યું પરંતુ આ ખેલાડીએ જીતી લીધા દિલ

નવી દિલ્હીઃ ઈન્ડિયન પ્રીમિયર લીગ (IPL)ની ફાઈલનમાં મુંબઈ ઈન્ડિયન્સ સામે ચેન્નઈ સુપર કિંગ્સ (CSK) ત્યાં સુધી જીતતી દેખાઈ રહી હતી જ્યાં સુધી મેદાન પર ઓસ્ટ્રેલિયન દિગ્ગજ ઓલરાઉન્ડર શેન વોટસન રમી રહ્યો હતો. તેના રન આઉટ થયા બાદ મુંબઈ ઈન્ડિયન્સે વાપસી કરી અને એક રનથી મેચ અને ટાઈટલ જીતી લીધું હતું. શેન વોટસનની આ શાનદાર ઈનિંગ લઈને એક ખુલાસો સામે આવ્યો છે જેને જાણીને મુંબઈ ઈન્ડિયન્સના ફેન્સ પણ તેના વખાણ કરી રહ્યા છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મેચ દરમિયાન વોટ્સનના ઘુંટણમાં ઈજા

મેચમાં સિંગલ રન દોડતી વખતે વોટસનના પગ પર ઈજા પહોંચી હતી અને તેને લોહી નીકળી રહ્યું હતું. ફોટોમાં તમે જોઈ શકો છો. તેમ છતા તેણે 59 બોલમાં 8 ફોર અને 4 સિક્સની મદદથી 80 રનની ઈનિંગ રમી હતી.

વોટસનને 6 ટાંકા આવ્યા

મેચ પૂર્ણ થયા બાદ વોટસનના ઘુંટણમાં 6 ટાંકા લાગ્યા. આ વાતનો ખુલાસો CSKના દિગ્ગજ સ્પિનર હરભજન સિંહે કર્યો. તેમણે ઈન્સ્ટાગ્રામ પર શેન વોટસનની ઈજાનો ફોટોગ્રાફ પણ શેર કર્યો. તેમણે સોશિયલ એકાઉન્ટ પર લખ્યું છે કે, ‘શું તમને ઘુંટણ પર લોહી દેખાઈ રહ્યું છે. મેચ પછી 6 ટાંકા લાગ્યા. આ ઈજા રન દોડતી વખતે ડાઈવ કરવાથી થઈ હતી, પરંતુ તેમણે કોઈને કંઈ કહ્યા વગર બેટિંગ ચાલું રાખી. ભજ્જી દ્વારા જાહેર કરેલી તસવીર સોશિયલ મીડિયામાં વાઈરલ થઈ છે.’

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Hn1kZD