IPL: ધોનીએ પહેલીવાર જણાવ્યું સિક્રેટ, આ રીતે કરે છે વીજળીની ઝડપે સ્ટમ્પિંગ

કેવી રીતે ધોની વીજળીના વેગે સ્ટમ્પિંગ કરે છે

ચેન્નઈઃ મહેન્દ્ર સિંહ ધોની સ્ટમ્પની પાછળ ખૂબ જ ઝડપી છે. બેટ્સમેનનો પગ ક્રિઝથી એક સેકન્ડ માટે પણ બહાર નીકળે તો તેને પાછા આવવાની કોઈ તક મળતી નથી. પોતાની વિકેટકીપિંગનું સિક્રેટ શેર કરતા ઘોનીએ જણાવ્યું હતું કે તેણે આ કૌશલ્ય ટેનિસ બોલમાંથી શીખ્યું છે. પોતાની વીજળીની ઝડપ જેવી સ્ટમ્પિંગ વિશે વાત કરતા ધોનીએ કહ્યું, મને લાગે છે કે આ વસ્તુ ટેનિસ બોલથી ક્રિકેટ રમવાથી આવી છે. પરંતુ તેમ છતાં તમારે બેઝિક્સની જાણકારી હોવી જરૂરી છે અને તમારે તે સ્તર સુધી પહોંચવું જોઈએ.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

IPLમાં શાનદાર ફોર્મ

ધોનીએ કહ્યું કે, જો તમે આવા જ રહેશે તો તમે ભૂલ કરી શકો છો આથી મને હજુ પણ લાગે છે કે બેઝિક્સ સૌથી મહત્વપૂર્ણ છે. CSKના કેપ્ટન ધોનીનું હાલમાં IPLમાં શાનદાર ફોર્મ છે અને તાવ તથા પીઠના દુઃખાવાના કારણે બે મેચ બહાર બેસ્યા બાદ તેણે 22 બોલમાં 44 રનની અણનમ ઈનિંગ રમી, જેનાથી ચેન્નઈ સુપર કિંગ્સે બુધવારે દિલ્હી કેપિટલ્સ સામે 179 રન બનાવ્યા.

અંતિમ ઓવરોમાં હિટિંગની ફોર્મ્યુલા

ધોનીને જ્યારે તેની ઈનિંગ વિશે પૂછવામાં આવ્યું તો તેણે કહ્યું કે, બોલિંગ વેરિએશન સમજવા માટે વિકેટ પર ઘણો સમય પસાર કર્યો અને અંતમાં ચેન્નઈ સુપર કિંગ્સને મેચમાં સારા સ્કોર સુધી પહોંચાડી. અંતિમ ઓવર વિશે પૂછવામાં કહ્યું કે, બોલને જુઓ અને પછી હિટ કરો. તમે સમય પસાર કર્યો છે તમે વેરિએશન જાણો છો. જે 10-15 બોલ રમી ચૂક્યા છે, તેમના માટે આ સરળ હોય છે.

2019નું વર્ષ રહ્યું શાનદાર

ઉલ્લેખનીય છે કે ધોની બોટિંગ ફિનિશિંગ બેટિંગ સ્ટાઈલ અને સ્ટમ્પની પાછળની ઝડપી કિપિંગ માટે જાણીતો છે. 2019નું વર્ષની શરૂઆતથી જ ધોની જબરજસ્ત ફોર્મમાં દેખાઈ રહ્યો છે. તેણે પહેલા ન્યૂઝીલેન્ડ ટૂર અને બાદમાં IPLમાં પોતાના પરફોર્મન્સથી ટિકાકારોનું મોઢું બંધ કરી દીધું અને ફરીવાર ફેન્સનું દીલ જીતી લીધું છે.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2Y66C2u