વર્લ્ડ કપ કોણ જીતશે? મહાન ક્રિકેટર સચિન તેન્ડુલકરે કરી ભવિષ્યવાણી

ક્રિકેટના ભગવાનની ભવિષ્યવાણી

મુંબઈઃ વર્લ્ડ કપની તારીખો જેમ જેમ નજીક આવી રહી છે ક્રિકેટ પ્રેમિઓમાં ઉત્સુકતા અને આતુરતા પણ વધી રહી છે. 30 મેથી ઈંગ્લેન્ડમાં વર્લ્ડકપ શરુ થશે ત્યારે ક્રિકેટના પંડિતો ભલે ઈંગ્લેન્ડ અને ઓસ્ટ્રેલિયા પર વિજય બનવાનો દાવો કરી રહ્યા છે. પણ દુનિયાના મહાન ક્રિકેટ અને બેટ્સમેન સચિન તેન્ડુલકરે આત્મવિશ્વાસ સાથે જણાવ્યું કે, વિરોટ કોહલીના નેતૃત્વવાળી ટીમ ઈન્ડિયા આ વખતે વર્લ્ડ કપ જીતશે. મીડિયા સાથે વાત કરીને સચિને કહ્યું- આ (વર્લ્ડ કપ) ભારત જ જીતશે. સચિન એમઆઈજી ક્લબના એક પેવેલિયનનું ઉદ્ઘાટન કરવા પહોંચ્યો હતો. આ પેવેલિયનનું નામ માસ્ટર બ્લાસ્ટરના નામ પરથી રાખવામાં આવ્યું છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

બેટ્સમેનોને થશે ફાયદો

સચિન તેન્ડુલકરે ઈંગ્લેન્ડની પિચોના વ્યવહાર વિશે જણાવ્યું કે, “અહીં બેટ્સમેનોને પસંદ પડે તેવી પિચો હશે. વર્લ્ડ કપ ગરમીઓમાં રમાવાનો છે. જો તમે પાછલા સમયમાં જુઓ તો, અહીં ચેમ્પિયન ટ્રોફી (2017)માં રમવા માટે આવ્યા હતા, ત્યારે અહીં પિચ સારી હતી. જ્યારે સૂર્ય મેદાન પર ચમકતો હોય અને ગરમી પડતી હોય તો અહીની પિચ પાટા બની જાય છે.”

સચિને આત્મવિશ્વાસ છે

સચિનને કહ્યું છે કે, “મને સંપૂર્ણ વિશ્વાસ છે કે તેઓ બેટિંગ પ્રમાણે વર્લ્ડ કપમાં શાનદાર ટ્રેક બનાવડાવશે.” સામાન્ય રીતે ઈગ્લિશ કન્ડિશન્સમાં સીમ-સ્વિંગ બોલરોને અહીની પિચો પર ખુબ મદદ મળે છે, પણ સચિન તેન્ડુલકરને લાગે છે કે, જો એકવાર સૂર્ય ચમક્યો, તો પછી બેટ્સમેનને અહીં રમવામાં કોઈ તકલીફ નહીં પડે.

શું કહ્યું ખેલાડીઓ વિશે?

સચિને કહ્યું- “મને નથી લાગતું કે અહીંની સ્થિતિ બહુ અલગ હશે, શરત એટલી કે વાદળો ના હોય. વાદળોના કારણે બોલ સ્વિંગ થઈ શકે છે. આવું થશે તો પણ લાંબા સમય માટે નહીં, શરુઆતની કેટલીક ઓવરો સુધી જ બસ.” ભારતીય ખેલાડી વિરાટ કોહલી, હાર્દિક પંડ્યા અને કેએલ રાહુલ આઈપીએલમાં સારું પ્રદર્શન કરી રહ્યા છે. એવું પૂછવામાં આવ્યું કે તેનો ફાયદો વર્લ્ડ કપમાં મળશે, તો સચિને કહ્યું- “કોઈ પણ ફોર્મેટમાં સારું પ્રદર્શન કરવાથી ખેલાડીઓનો આત્મવિશ્વાસ વધે છે. તમે કોઈ પણ ફોર્મેટમાં સારું પ્રદર્શન કરો તો તે મહત્વનું હોય છે.”

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2J9I4kI