IPL: કોહલી સાથે ઝઘડો થયા બાદ અમ્પાયરે દરવાજો તોડી નાખ્યો

કોહલી સાથે બબાલ થતા અમ્પાયર ગુસ્સે થયા

બેંગલુરુઃ IPLની આ 12મી સિઝનમાં ખેલાડીઓ અને અમ્પાયરો વચ્ચેના સંબંધ વધુ ખરાબ થઈ રહ્યા છે. હાલનો તાજો મામલો ઈંગ્લિશ અમ્પાયર નીજલ લોન્જના ગુસ્સા સાથે જોડાયેલો છે. એમ. ચિન્નાસ્વામી સ્ટેડિયમમાં એક મેચ દરમિાયન રોયલ ચેલેન્જર્સ બેંગ્લોરના કેપ્ટન વિરાટ કોહલી અને અમ્પાયર લોન્જ વચ્ચે બોલાચાલી થઈ ગઈ. આ બોલાચાલી બાદ અમ્પાયર લોન્જ એટલા નારાજ હતા કે હૈદરાબાદની ઈનિંગ બાદ અમ્યાર રૂમમાં પહોંચ્યા તો, તેમણે પોતાનો ગુસ્સો કાઢવા માટે અમ્પાયર રૂમના દરવાજા પર લાત મારી દીધી. ગુસ્સામાં આવેલા લોન્જની લાત એટલી જોરદાર હતી કે અમ્પાયર રૂમનો દરવાજો ડેમેજ થઈ ગયો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

અમ્પાયરથની નિર્ણય આપવામાં થઈ ભૂલ

મામલો પાછલા શનિવાર ( 4 મે)નો છે, જ્યારે રોયલ ચેલેન્જર્સ અને સનરાઈઝર્સ હૈદરાબાદની ટીમો આ ટૂર્નામેન્ટના લીગ રાઉન્ડમાં પોતાની અંતિમ મેચ રમી રહી હતી. આ દરમિયાન અમ્પાયર નીજલ લોન્જ RCBના બોલર ઉમેશ યાદવના એક બોલને નોબૉલ જાહેર કર્યો. 50 વર્ષના નીજલ લોન્જ આઈસીસીની એલીટ પેનલમાં શામેલ છે.

ભૂલ સામે આવતા કોહલી અને ઉમેશ નારાજ

પરંતુ આ વખતે અનુભવી અમ્પાયર લોન્જથી ભૂલ જરૂર થઈ, જ્યારે ટીવી રિપ્લેમાં ફૂડેજ સામે આવ્યા તો મામલો સાફ થઈ ગયો કે ઉમેશ યાદવનો પગ લાઈનની પાછળ પડ્યો હતો. નિયમો અનુસાર તે નોબૉલ નહોતો, જે બાદ કેપ્ટન અને બોલર અમ્પાયરથી નારાજ થાય તે સ્વભાવિક છે. મેદાન પર લાગેલી સ્ક્રિન પર રિપ્લે જોયા બાદ ઉમેશ યાદવ અને વિરાટ કોહલીએ અમ્પાયરના નિર્ણયનો વિરોધ કર્યો. જોકે અમ્પાયરે આ નિર્ણય પાછો ન લીધો.

ઈનિંગ બાદ અમ્પાયર દરવાજા પર લાત મારી

સાક્ષી મુજબ જ્યારે સનરાઈઝર્સ હૈદરાબાદની ઈનિંગ ખતમ થઈ, લોન્જ પોતાના સાથી અમ્પાયર સાથે પવેલિયન આવ્યા અને ગુસ્સામાં તેણે અમ્પાયર રૂમના દરવાજા પર લાત મારી દીધી. આ કારણે દરવાજાને નુકસાન થયું. કર્ણાટક રાજ્ય ક્રિકેટ એસોસિયએશને (KSCA) આ મામલાની જાણકારી મેચ રેફરી નારાયમ કુટ્ટીને આપી.

અમ્પાયરે નુકસાન માટે 5000 આપ્યા

જોકે બાદમાં લોન્જે કર્ણાટક ક્રિકેટ એસોસિએશન સાથે વાત કરી અને આ નુકસાનની ભરપાઈ પેટે 5000 રૂપિયા પણ આપ્યા. અમારા સહયોગી ટાઈમ્સ ઓફ ઈન્ડિયાએ જ્યારે આઈપીએલના સીઓઓ હેમંગ અમીન સાથે વાત કરવાનો પ્રયાસ કર્યો તો તેમણે જણાવ્યું કે તેમની પાસે આ મામલે હાલ કોઈ જાણકારી નથી. જ્યારે KSCAના સચિવ સુધાકર રાવે કહ્યું કે, આ દુર્ભાગ્યપૂર્ણ ઘટના હતી. અમારી જવાબદારી બને છે કે અમે આ રિપોર્ટ આપીએ અને આ સંબંધમાં CoAને લખીશું.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2DW557j