મુંબઈ ઈન્ડિયન્સ સામે હાર સાથે પ્લેઑફની રેસમાંથી KKR બહાર

હાર સાથે KKR IPL12માંથી બહાર, SRH ક્વૉલિફાઈ

IPL 12ની છેલ્લી લીગ મેચમાં મુંબઈ ઈન્ડિયન્સ સામે 9 વિકેટે પરાજય સાથે કોલકાતા નાઈટ રાઈડર્સ પ્લેઑફની રેસમાંથી બહાર થઈ ગયું છે. બીજી તરફ સનરાઈઝર્સ હૈદરાબાદે પ્લેઑફ માટે ક્લૉલિફાઈ કરી લીધું છે. KKRએ આપેલા 134 રનના ટાર્ગેટને મુંબઈએ માત્ર એક વિકેટ ગુમાવી પાર કરી લીધો હતો. મુંબઈ તરફથી કેપ્ટન રોહિત શર્માએ સૌથી વધુ અણનમ 55 રન બનાવ્યા.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

મુંબઈના ટૉપ ઓર્ડરે જ કરી દીધી કામ તમામ

134 રનના ટાર્ગેટના પીછો કરતા મુંબઈના ઓપનરો ક્વિન્ટન ડી કૉક (30) અને કેપ્ટન રોહિત શર્મા (55*)એ સારી શરૂઆત કરી હતી. બાદમાં સૂર્યકુમાર યાદવે પણ શાનદાર 46* રનની ઈનિંગ્સ રમી ટીમને જીત સુધી પહોંચાડી દીધી હતી. બંનેએ 88 રનની અણનમ ભાગીદારી નોંધાવી હતી. તેમની બેટિંગના સહારે મુંબઈએ 23 બોલ બાકી રહેતા જ જીત મેળવી લીધી હતી.

ઉથપ્પાની કંગાળ બેટિંગ, KKRએ બનાવ્યા 133 રન

અગાઉ મુંબઈ ટૉસ જીતી કોલકાતાને પ્રથમ બેટિંગ આપી હતી. કોલકાતાએ શરૂઆત સારી કરી હતી પણ બાદમાં ઝડપથી વિકેટો ગુમાવી હતી. આ ઉપરાંત ત્રીજા સ્થાને બેટિંગમાં આવેલા રોબિત ઉથપ્પાએ અત્યંત ધીમી બેટિંગ કરતા 47 બોલમાં 40 રનની ઈનિંગ્સ રમી હતી જેના કારણે KKR ખૂબ જ સારારણ કહી શકાય તેવા 133 રનના સ્કોર સુધી જ પહોંચી શકી હતી.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2DOW7c8