મુંબઈ: એક્ઝિટ પોલમાં કેન્દ્રમાં ફરી NDAને બહુમતી મળશે તેવા આશાવાદ સાથે સોમવારે બપોરે અપેક્ષા અનુસાર BSE સેન્સેક્સ 1020 પોઈન્ટ્સ વધીને ટ્રેડ થઈ રહ્યો હતો.
બજાર સ્થિર સરકાર ઝંખે છે અને તેથી ગયા સપ્તાહે શેરબજારમાં ભારે વોલેટિલિટી જોવા મળી હતી. સોમવારે ઈન્ડિયન VIX અથવા તો વોલેટિલિટી ઈન્ડેક્સ તીવ્ર રીતે ઘટીને 17.55 ટકા નોંધાયો હતો. રોકાણકારોએ એક્ઝિટ પોલને વધાવતાં આ ઈન્ડેક્સ 28-29ના સ્તરેથી ઘટીને 23.14 થયો હતો. સોમવારે સેન્સેક્સ એક તબક્કે 38,972.75 પોઈન્સની ઈન્ટ્રા ડે હાઈ સપાટીને સ્પર્શી ગયો હતો.
એક્ઝિટ પોલ બાદ નિફ્ટી પણ 23મેના ચૂંટણી પરિણામ અગાઉ તેની તાજેતરની ઊંચી સપાટીને સ્પર્શે તેવી શક્યતા છે. ભાજપ આપબળે બહુમતી મેળવે છે કે કેમ? તેના પર નિફ્ટીના 12,000થી 12,500 ઝોનના બ્રેકઆઉટની ધારણા છે, તેમ કોટક સિક્યુરિટીઝના ફંડામેન્ટલ રિસર્ચ હેડ સુર્મિક ઓઝાએ જણાવ્યું હતું.
જો એક્ઝિટ પોલ સાચા પૂરવાર થશે તો આગામી સમયમાં સ્મોલકેપ અને મિડકેપ્સમાં અપવર્ડ ટ્રેન્ડની ધારણા છે, તેમ તેમણે ઉમેર્યું હતું.
બપોરે 12.00 વાગ્યે BSE સેન્સેક્સ 1020.61 પોઈન્ટ્સ અથવા 2.67 ટકા ઉછળીને 38,951.38 પોઈન્ટ્સની સપાટીએ ટ્રેડ થઈ રહ્યો હતો જ્યારે નેશનલ સ્ટોક એક્સચેંજનો નિફ્ટી 299.95 પોઈન્ટ્સના જંગી ઉછાળા સાથે 11,707.10 પોઈન્ટ્સની સપાટીએ ટ્રેડ થઈ રહ્યો હતો.
BSE મિડકેપ અને BSE સ્મોલકેપ ઈન્ડેક્સ અનુક્રમે 2.99 ટકા અને 2.91 ટકા વધીને ટ્રેડ થઈ રહ્યા હતા.
આજે સવારથી જ શેરબજારમાં સાર્વત્રિક લેવાલી જોવા મળી હતી. આજે સવારથી જ રિયલ્ટી, એનર્જી, કેપિટલ ગૂડ્ઝ, ઓઈલ-ગેસ તેમજ બેન્ક શેરોમાં ધૂમ લેવાલી જોવા મળી હતી.
from Page Array – I Am Gujarat http://bit.ly/2VLVRp4
No comments:
Post a Comment