પેપે જિન્સની ખરીદીમાં રિલાયન્સ રિટેલ, ફ્યુચર ગ્રૂપ અને PE ફંડ્સ વચ્ચે સ્પર્ધા

69267871

રસુલ બૈલે

નવી દિલ્હી:રિલાયન્સ રિટેલ, કિશોર બિયાનીના ફ્યુચર ગ્રૂપ અને અન્ય વૈશ્વિક PE કંપનીઓની એન્ટ્રી સાથે પેપે જિન્સની ભારતીય સબસિડિયરીને ખરીદવાની હલચલ વધી છે. સૂત્રના જણાવ્યા અનુસાર “ઘણી કંપનીઓ પેપે જિન્સને ખરીદવા સક્રિય છે.” અન્ય એક વ્યક્તિએ જણાવ્યું હતું કે, 11 કંપની પેપે જિન્સ ઇન્ડિયાને ખરીદવામાં રસ ધરાવે છે.

પેપે ઇન્ડિયાના પ્રવક્તાએ આ બાબતે કંઈ કહેવાનો ઇનકાર કર્યો હતો. કોટક ગ્રૂપની ઇન્વેસ્ટમેન્ટ બેન્કિંગ કંપની પેપેની ગ્લોબલ પેરન્ટને સોદા માટે સલાહ આપી રહી છે અને સૂત્રોના જણાવ્યા અનુસાર અત્યાર સુધી સંભવિત બિડર્સ તરફથી 11 બિડ મળી છે.

પેપેના ભારતમાં 200થી વધુ બ્રાન્ડેડ આઉટલેટ્સ છે, જેમાં મોટા ભાગના ફ્રેન્ચાઇઝી દ્વારા સંચાલિત છે. પેપેની સ્થાપના ભારતીય મૂળના ભાઈઓ અરુણ, નીતિન અને મિલન શાહે 1973માં લંડન ખાતે કરી હતી. જોકે, ત્યાર પછી કંપનીની માલિકી બદલાઈ છે. ફેબ્રુઆરી 2015માં પેપે જિન્સ અને હેકેટ લંડનને એલ કેટર્ટન અને M1એ ટોરિયલ ફંડ્સ, આર્તા કેપિટલ અને એલ કેપિટલ યુરોપ પાસેથી ખરીદી હતી. સ્પેનના ઉદ્યોગસાહસિક કાર્લોસ ઓર્ટેગા પેપેમાં 20 ટકા હિસ્સો ધરાવે છે, જેમાં તે CEO પણ છે.

પેપેના એક્વિઝિશન માટે ઓક્ટોબરમાં બિયાનીની ફ્યુચર લાઇફસ્ટાઇલ સ્પર્ધામાં ઊતરી એ પહેલાં ETએ માર્ચ 2018માં જણાવ્યું હતું કે, KKR, કાર્લાઇલ, જનરલ એટલાન્ટિક અને મલેશિયાના સોવરિન ફંડ ખઝાનાહ સહિત પાંચ વૈશ્વિક ફંડ્સે કંપની માટે નોન-બાઇન્ડિંગ ઓફર્સ સુપરત કરી હતી. તેમણે કંપનીનું ડ્યૂ ડિલિજન્સ પણ કર્યું હતું. એ સમયે પેપેના માલિકોએ ભારતીય બિઝનેસ માટે ₹2,000 કરોડના વેલ્યુએશનની માંગણી કરી હતી. જોકે, આ પાંચ PE ફંડ્સમાંથી કેટલાને હજુ પણ પેપે ખરીદવામાં રસ છે એ સ્પષ્ટ નથી.

ફ્યુચર લાઇફસ્ટાઇલ પેપે જિન્સને તેના જ લી કૂપર પોર્ટફોલિયો સાથે મર્જ કરી દેશની સૌથી મોટી કેઝ્યુઅલ વેર બ્રાન્ડ ઊભી કરવા સક્રિય છે. જ્યારે રિલાયન્સ તેના ઝડપથી વધી રહેલા રિટેલ બિઝનેસના ફેશન પોર્ટફોલિયોમાં મજબૂત બ્રાન્ડ ઉમેરવાની યોજના ધરાવે છે. રિલાયન્સ ટ્રેન્ડ્ઝની આગેવાનીમાં રિલાયન્સ ફેશનનો પોર્ટફોલિયો 2018-’19માં ₹10,000 કરોડને વટાવી ગયો છે.

રિલાયન્સ રિટેલે માર્ચમાં ITCની ફેશન અને લાઇફસ્ટાઇલ બ્રાન્ડ જ્હોન પ્લેયર્સને હસ્તગત કરી હતી. રિટેલ કન્સલ્ટન્સી વઝીર એડ્વાઇઝર્સના અંદાજ મુજબ ભારતના ફેશન અને લાઇફસ્ટાઇલ માર્કેટનો વાર્ષિક બિઝનેસ 10 ગણી વૃદ્ધિ સાથે ₹5 લાખ કરોડે પહોંચ્યો છે, જે વર્ષ 2000માં ₹50,000 લાખ કરોડ હતો. ભારતના ફેશન રિટેલિંગ સેક્ટરનું એકંદર કદ વધુ 10 ગણી વૃદ્ધિ સાથે ₹50 લાખ કરોડે પહોંચ્યું છે.

from Page Array – I Am Gujarat http://bit.ly/2JcYRo0