Pics: ચાર વાવાઝોડાને પણ કરી શકે છે સહન, આ છે પાણી પર તરતો ‘રાજમહેલ’

પાણી પર આલીશાન વિલા

આજે મોટા તોફાનો અને વાવાઝોડાના આવવાનો હંમેશા ડર રહે છે. તેમાં પણ ખાસ કરીને સમુદ્રના કારણે લોકો તટીય શહેરોમાં રહેવાથી પણ ડરતાં હોય છે. જોકે, ફ્લોરિડાની એક કંપનીએ આ મુશ્કેલીનો ઉપાય શોધી લીધો છે. આ ઉપાય છે ભવિષ્યના હાઉસબોટ.

તસવીરમાંઃ ડ્રોનથી આર્કપ હાઉસબોટનો એરિયલ વ્યૂ, ગ્રીન એનર્જીથી સજ્જ આ લક્ઝરી ફ્લોટિંગ ઘર છે. જેમાં માલિક સમુદ્ર સ્તર વધી જાય તો પણ રહી શકે છે.

રહેવા માટે યોગ્ય પહેલી ઈલેક્ટ્રિક યાટ

તટવિસ્તારથી મળતી વીજળી અથવા સૌર ઉર્જાથી સજ્જ આર્કપ પહેલી ઈલેક્ટ્રિક યાટ છે. જ્યાં તમે રહી શકો છો. આ લક્ઝરી યાટમાં તમને વોટરફ્રન્ટ વિલા મળશે. જે ઉપરાંત તમે મોટરથી સજ્જ આ ફ્લોટિંગ હોમને લઈને ફરવા પણ નીકળી શકો છો.

તસવીરમાંઃ ફ્લોરિડાના મિયામી બીચમાં આર્કપ હાઉસબોટનો પહેલો માળ જે એક લિવિંગ એરિયા છે.

સોલર પેનલ દ્વારા સંચાલિત

આ યાટને એવી રીતે બનાવવામાં આવી છે કે આ ચાર હરિકેન (વાવાઝોડા)ને પણ સરળતાથી સહન કરી શકે છે. જ્યાં પણ પાણ હોય ત્યાં ઉભી કરીને એક લક્ઝરી લાઈફસ્ટાઈલ જીવી શકાય છે. સૌથી ખાસ વાત તો એ છે કે તમારે કોઈપણ પ્રકારનો પ્રોપર્ટી ટેક્સ નહીં આપવો પડે. 2300 સ્ક્વેર ફૂટની છત પર લાગેલી સોલર પેનલ દ્વારા આ યાટને સંચાલિત કરી શકાય છે. આ બોટમાં ચાર સ્પડ્સ લાગ્યા છે. જે તેના ઓટોમેડિડ હાઈડ્રોલિક પિલર પર પાણીના સ્તરથી ઉપર ઉઠાવી શકે છે.

તસવીરમાંઃ આર્કપ હાઉસબોટમાં હાઈડ્રોલિક પિલર્સની કંટ્રોલ પેનલ

ડાઈમેન્શન

32 ફૂટના બીમ સાથે 75 ફૂટની લંબાઈ ધરાવતા આર્કપ યાટના ડાઈમેન્શનની વાત કરવામાં આવે તો તેની અંદરનો એરિયા 4350 સ્કવેર ફૂટ છે અને આઉટડોર લિવિંગ સ્પેસને મુખ્ય અને ઉપરના ડેકમાં વહેંચવામાં આવ્યું છે. જેથી કોઈ બીજા લોકેશન પર લઈ જઈને ડોક સાથે બાંધવા અથવા તો હાઈડ્રોલિક રીતથી ઉપર ઉઠાવી શકાય છે.

આવી છે ખાસ ડિઝાઈન

ખુલ્લી છત સાથે કન્ટેપરરી ડિઝાઈન ધરાવતી આ યાટનું ફ્લોર અને સીલિંગ કાચની બનેલી છે. જે સમુદ્ર, ખાડી, સરોવર અથવા તો નદીનો પડછાયો બતાવે છે. ગ્લાસ રેલિંગ સાથે આ પાંચ છત સુધી એક્સટેન્ડ કરી શકાય છે. મુખ્ય ડેકમાં એક લિવિંગ એરિયા છે અને એક મોડ્યૂલર કિચન પણ છે. આ યાટમાં એક ટૂ સીટર ક્રૂ કેબિન પણ છે. જેને એક ઓફિસ, બાથરુમ, લોન્ડ્રી રુમ, આઉટડોર કિચન તરીકે પણ વાપરી શકાય છે. અપર ડેક પર ચાર મોટા કિંગ સાઈઝ બેડરુમ છે. માસ્ટર બેડરુમમાં એક ક્લોઝેટ, બાલકની અને એક મોટું બાથરુમ છે.

તસવીરમાંઃ આર્કપ હાઉસબોટમાં સમુદ્ર સ્તર વધી જાય તો પણ રહી શકાય છે.

કેટલી છે કિંમત?

જો વાત કરવામાં આવે કિંમતની તો આર્કપ યાટ પર આઠ મહેમાનોને એક રાત માટે 6000 ડોલર ચૂકવવા પડશે અથવા તો 5.5 મિલિટન ડોલરથી 12 મિલિયન ડોલર વચ્ચે ખરીદી પણ શકાય છે. આ ફ્લોટિંગ વિલા સમગ્ર રીતે ફર્નિશ્ડ અને ડેકોરેટેડ છે. હાલ તેને 5.9 મિલિયન ડોલરમાં ઓફર કરવામાં આવી રહ્યું છે.

તસવીરમાંઃ આર્કપ હાઉસબોટનો એરિયલ વ્યૂ જેને ડ્રોનથી લેવામાં આવ્યો છે.

from Page Array – I Am Gujarat http://bit.ly/2W6nAAl