મહિન્દ્રાએ તેની કોમ્પેક્ટ એસયુવી TUV 300નું નવું વર્ઝન લોંચ કર્યું

મુંબઈ: મહિન્દ્રા એન્ડ મહિન્દ્રાએ તેની કોમ્પેક્ટ એસયુવી TUV300નાં નવા વર્ઝનના લોંચની જાહેરાત કરી છે. કોમ્પેક્ટ એસયુવી સેગમેન્ટમાં ઓથેન્ટીક એસયુવી ડિઝાઇન ધરાવતી TUV300 હવે વધુ બોલ્ડ અને વધુ મસ્ક્યુલર લુકમાં ઉપલબ્ધ છે. તેમાં બ્લેક ક્રોમ ઇન્સર્ટ્સ સાથે પિયાનો બ્લેક ફ્રન્ટ ગ્રિલ, મસ્ક્યુલર સાઇડ ક્લેડિંગ અને નવી ડિઝાઇનની X-આકારનું મેટાલિક ગ્રે સ્પેર વ્હીલ કવર આવે છે. હેડલેમ્પની નવી ડિઝાઇન ડેટાઇમ રનિંગ લેમ્પ્સ (DRLs) ધરાવે છે અને કાર્બન બ્લેક ફિનિશ બોલ્ડ ન્યુ TUV300ની સ્ટાઇલમાં શોભા વધારે છે.

ઇટાલિયન ડિઝાઇન હાઉસ પિનઇનફરીના દ્વારા તેનું ઇન્ટિરિયર તૈયાર કરવામાં આવ્યું છે. નવી TUV300 હવે નવા સિલ્વર એક્સેન્ટ્સ ધરાવે છે, જે વધુ પ્રીમિયમ લુક અને ફીલ આપે છે. નવા રિવર્સ પાર્કિંગ કેમેરા, જીપીએસ સાથેની 17.8 સેન્ટીમીટર ઇન્ફોટેઇનમેન્ટ સિસ્ટમ, સ્ટેટિક બેન્ડિંગ હેડલેમ્પ્સ અને માઇક્રો-હાઇબ્રિડ ટેકનોલોજી જેવા હાઇટેક ફીચર્સ એ સુનિશ્ચિત કરે છે કે તેના માલિકોને શ્રેષ્ઠ ટેકનોલોજી સુલભ થાય.

બોલ્ડ નવી TUV300ના નવા ફીચર્સઃ
– પિયાનો બ્લેક ફ્રન્ટ ગ્રિલ
– DRLs સાથે નવી હેડલેમ્પ ડિઝાઇન
– X આકારનું મેટાલિક ગ્રે સ્પેર વ્હિલ કવર
– ક્લિયર લેન્સ ટેઇલ લેમ્પ્સ
– એક્સ્ટિરિયર પેઇન્ટ્સનો વિકલ્પ (હાઇવે રેડ, મિસ્ટીક કોપર)
– ઇન્ટિરિયરમાં સિલ્વર એક્સેન્ટસ
– રિવર્સ પાર્કિંગ કેમેરા

મહિન્દ્રા એન્ડ મહિન્દ્રા લિમિટેડના સેલ્સ અને માર્કેટિંગ (ઓટોમોટિવ ડિવિઝન)ના વડા વિજય રામ નાકરાએ જણાવ્યું હતું કે, “અમે નવી બોલ્ડ TUV300 રજૂ કરતા ખુશી અનુભવીએ છીએ. TUV300નું સુધારેલું વર્ઝન ઓથેન્ટીક એસયુવી ડિઝાઇન સાથેની એક માત્ર કોમ્પેક્ટ એસયુવી છે, જે પર્ફોમન્સ અને હાઇ ટેક ફીચર્સ સાથે સેવન સીટરમાં ઉપલબ્ધ છે અને પૂરતી સ્પેસ પૂરી પાડે છે. TUV300 એ એક લાખ સંતુષ્ટ ગ્રાહકો સાથે કોમ્પેક્ટ એસયુવી સેગમેન્ટમાં ખુદને પ્રસ્થાપિત કરી છે. મને વિશ્વાસ છે કે તેની બોલ્ડ અને વધુ મસ્ક્યુલર ડિઝાઇન સાચા અર્થમાં એસયુવી ઇચ્છતા ગ્રાહકોને આકર્ષશે. આ કાર તેમની જીવનશૈલીને સમૃધ્ધ કરવાની સાથે સ્ટાઇલિશ અને પાવરફુલ સ્ટેટમેન્ટ આપશે.”

નવી TUV300 પાવરફુલ mHAWK100 એન્જિનની તાકાત ધરાવે છે, જે 100 બીએચપી અને 240Nm ટોર્કનો પાવર આપે છે. કુશન સસ્પેન્શન ટેકનોલોજી અને ઓપ્ટિમાઇઝ્ડ રાઇડ હાઇટ ડ્રાઇવિંગનો વધુ સારો અનુભવ આપે છે. TUV300 મહિન્દ્રા સ્કોર્પિયોની ચેસિસ પર આધારિત છે. ગ્રાહકો પાસે સાત આકર્ષક કલર્સનો વિકલ્પ છે, જેમાં બે નવા કલર હાઇવે રેડ અને મિસ્ટીક કોપરનો સમાવેશ થાય છે. આ ઉપરાંત, સ્ટાઇલિશ ડ્યુઅલ ટોન રેડ+, બ્લેક / સિલ્વર + બ્લેક, બોલ્ડ, બ્લેક, મેજેસ્ટિક સિલ્વર અને પર્લ વ્હાઇટમાં પણ ઉપલબ્ધ છે. નવી TUV300 વર્તમાન વેરિયેન્ટ્સ (T4+, T6+, T8 and T10) ઉપરાંત, લેધરેટ સીટ અને લુમ્બાર સપોર્ટ ધરાવતા T10 (O)માં પણ ઉપલબ્ધ છે.

નવી ડિઝાઇન અને આકર્ષક ફીચર્સ ધરાવતી નવી TUV300 રૂ. 8.38 લાખની સ્પર્ધાત્મક કિંમતે ઉપલબ્ધ છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2UXyELe