આટલી બધી મોંઘી ઈલેક્ટ્રીક WagonR ખરીદવા માટે તમે તૈયાર થશો ખરા?

2020માં કાર બની જશે, પણ…

નવી દિલ્હી: દેશની સૌથી મોટી કાર ઉત્પાદક કંપની મારુતિ સુઝુકી આવતા વર્ષથી ઈલેક્ટ્રીક કાર લોન્ચ કરવાનું પ્લાનિંગ કરી રહી છે, પરંતુ તેમાં સૌથી મોટો પડકાર તેન ઉંચી કિંમત અને ચાર્જિંગ ફેસિલિટી માટે યોગ્ય ઈન્ફ્રાસ્ટ્રક્ચરનો અભાવ છે. તેને ઉંચી કિંમતે ખરીદવા ગ્રાહકો તૈયાર થશે કે કેમ તે અંગે પણ મોટો સવાલ છે. 2020 સુધીમાં મારુતિ ઈલેક્ટ્રીક કાર બનાવી દશે, પરંતુ તેનું લોન્ચિંગ ગ્રાહકોના ખરીદી કરવાના મૂડ પર રહેશે તેમ કંપનીના ચેરમેન આરસી ભાર્ગવનું કહેવું છે.

હવે સીધા Whatsapp પર મેળવો મહત્વના ન્યૂઝ, શરુ કરવા ક્લિક કરો

50 ગાડીઓનું ચાલી રહ્યું છે ટેસ્ટિંગ

હાલ મારુતિ WagonRના ઈલેક્ટ્રીક મોડેલનું ટેસ્ટિંગ કરી રહી છે, અને તે આવતા વર્ષ સુધીમાં તૈયાર થઈ જશે. જોકે, તેનું પ્રોડક્શન અને સેલ ગ્રાહકો તેની ઉંચી કિંમત અને ચાર્જિંગ ફેસિલિટી માટે યોગ્ય સુવિધા ન હોવા છતાં તૈયાર હોવા પર નિર્ભર છે. હાલ મારુતિ WagonRની 50 ઈલેક્ટ્રીક ગાડીઓનું ટેસ્ટિંગ કરી રહી છે.

પેટ્રોલ કાર કરતા ત્રણ ગણી વધુ કિંમત

કંપનીના એમડી કેનિચી આનુકાવાએ હાલમાં જ અમારા સાથી અખબાર ઈટીને જણાવ્યું હતું કે, WagonR ઈલેક્ટ્રીક કારની કિંમત પણ 12 લાખ રુપિયા સુધી હોઈ શકે છે. જ્યારે, આ જ કારનું પેટ્રોલ મોડેલ 4.20થી 5.20 લાખ રુપિયાની એક્સ શોરુમ પ્રાઈસ ધરાવે છે. મારુતિના ચેરમેન ભાર્ગવનું માનવું છે કે, નાનકડી ઈલેક્ટ્રીક કારની કિંમત પણ સ્મોલ કાર ધરાવતા કસ્ટમરની પહોંચની બહાર જઈ શકે છે.

કાર ચાર્જિંગનું શું?

સરકારે ઈલેક્ટ્રીક કાર પર 28 ટકાને બદલે 12 ટકા જીએસટી લેવાનું જાહેર કર્યું છે. જોકે, તેણે તેના પર કોઈ સબસિડી આપવાની જાહેરાત નથી કરી. ઈલેક્ટ્રીક કારની કિંમત ઉપરાંત પાર્કિંગ ફેસિલિટી પણ મોટો પડકાર છે. મારુતિનું માનવું છે કે, સ્મોલ કાર ધરાવતા લોકો મોટાભાગે પર્સનલ પાર્કિંગ નથી ધરાવતા હોતા. તેવામાં કારને ચાર્જ કરવી મોટો પડકાર બની રહશે.

વધારે રાહ જોવી પડશે

જે દેશોમાં લોકોની ખરીદશક્તિ અને આવક બંને ઉંચા છે ત્યાં પણ સરકાર ઈલેક્ટ્રીક કાર પર જંગી આર્થિક લાભ આપી રહી છે, પરંતુ ભારતમાં તેનો અભાવ છે. સમય જતાં ઈલેક્ટ્રીક ટુ વ્હીલર બનાવતી કંપનીઓ ચાર્જિંગ ઈન્ફ્રાસ્ટ્રક્ચર ઉભું કરે અને પ્રોડક્શન વધતા બેટરીની મેન્યુફેક્ચરિંગ કોસ્ટ ઘટે ત્યારે ઈલેક્ટ્રીક કારનો ઓપ્શન વધુ ફાયદાકારક બની શકે છે.

from Automobile News in Gujarati, ઓટોમોબાઇલ ન્યૂઝ ગુજરાતીમાં, Latest Automobiles News – Page Array – I Am Gujarat http://bit.ly/2QtcNL3