WC 2011: ફાઈનલમાં સચિને સેહવાગને રૂમમાં બંધ કરી દીધો હતો, મેચ પણ ન જોવા દીધી

વર્લ્ડકપ 2011ની ફાઈનલ મેચમાં આવું બન્યું હતું

2011ના વર્લ્ડકપની ફાઈનલમાં ભારતે શ્રીલંકાને 6 વિકેટથી હરાવીને બીજી વાર વર્લ્ડ ચેમ્પિયન બની ગયું. આ મેચમાં ટીમ ઈન્ડિયાના ગૌતમ ગંભીર (97 રન) અને મહેન્દ્ર સિંહ ધોની (91 રન)ની શાનદાર ઈનિંગની મદદથી શ્રીલંકાને ધૂળ ચટાડી દીધી. 2011ના વર્લ્ડકપની ફાઈનલ મેચમાં એક રસપ્રદ કિસ્સો બન્યો હતો, જેના વિશે ઘણા ઓછા લોકો જાણે છે. તેનો ખુલાસો ભારતના પૂર્વ વિસ્ફોટક ઓપનર વિરેન્દ્ર સેહવાગે એક ટોક શોમાં કર્યો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

સેહવાગે જણાવ્યો કિસ્સો

સેહવાગે જણાવ્યું હતું કે સચિન તેંદુલકરે તેને વર્લ્ડકપની ફાઈલન મેચ નહોતી જોવા દીધી અને ડ્રેસિંગ રૂમમાંથી બહાર નીકળવા ન દીધો. તે આગળ કહે છે, જ્યારે ગૌતમ ગંભીર અને વિરાટ કોહલી બેટિંગ કરી રહ્યા હતા ત્યારે હું અને સચિન પાજી ડ્રેસિંગ રૂમમાં એકસાથે બેઠા હતા. હું જેવો ઊભો થવા ગયો તો સચિન પાજીએ મને બેસાડી દીધો અને ફોર વાગી અને અમે બંને ફરીથી વાત કરવા લાગ્યા.

સચિન માત્ર હાથ જોડીને બેઠા હતા

વીરૂએ કહ્યું, ‘થોડા સમય બાદ હું ફરીથી ઊભો થવા ગયો અને ફરી ચોગ્ગો લાગ્યો તો સચિન પાજીએ મને આખી મેચ બેસાડી રાખ્યો.’ જણાવી દઈએ કે આ કારણે વિરેન્દ્ર સેહવાગ આ આખી મેચ નહોતો જોઈ શક્યો. સેહવાગે કહ્યું જ્યારે તે ડ્રેસિંગ રૂમમાં બેઠા હતા તે સમયે સચિન પોતાની બેગ ખોલી હતી અને હાથ જોડીને બેઠા હતા. સચિનની બેગમાં ભગવાનોની તસવીર હતી.

સેહવાગને નહોતી જોવા દીધી મેચ

સેહવાને અંધવિશ્વાસથી દૂર રહેવાની સલાહ આપનારા સચિન તે સમયે કંઈપણ કરવા માટે તૈયાર હતા. અહીંયા સુધી કે તેમણે પોતે તો મેચ ન જોઈ પરંતુ સેહવાગને પણ ન જોવા દીધી. જણાવી દઈએ કે આ મેચમાં સચિન અને સેહવાગે જલ્દી પોતાની વિકેટ ગુમાવી દીધી હતી. વીરૂ શૂન્ય પર અને સચિન 18 રને લસિથ મલિંગાનો શિકાર બન્યા હતા.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2HHQbmp