તો ક્રિકેટમાંથી નિવૃત્તિ લેવા જઈ રહ્યો છે યુવરાજ સિંહ?

લિમિટેડ ઓવર્સના સૌથી શાનદાર ક્રિકેટર્સ પૈકીનો એક

નવી દિલ્હી: મર્યાદિત ઓવર્સમાં ભારતના સૌથી સફળ ક્રિકેટરો પૈકીનો એક યુવરાજ સિંહ ઈન્ટરનેશનલ ક્રિકેટમાંથી સન્યાસ લેવા પર ગંભીરતાથી વિચાર કરી રહ્યો છે અને ICC સ્વીકૃત વિદેશી ટી20 લીગમાં ફ્રીલાન્સ ક્રિકેટર તરીકે રમી શકે છે. પંજાબનો આ ડાબોડી બેટ્સમેન BCCI તરફથી સ્વીકૃતિ મળ્યા બાદ જ અંતિમ નિર્ણય લેશે. માનવામાં આવી રહ્યું છે કે, યુવરાજે સ્વીકારી લીધું છે કે, હવે ભારત તરફથી રમવાની તેની શક્યતાઓ ખતમ થઈ ગઈ છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

પ્રાઈવેટ ટી20 લીગમાં રમવાનું ચાલુ રાખશે?

આ બાબતની જાણકારી ધરાવનારા BCCIના સૂત્રે રવિવારે જણાવ્યું કે, ‘યુવરાજ ઈન્ટરનેશનલ અને ફર્સ્ટ ક્લાસ ક્રિકેટમાંથી સન્યાસ વિશે વિચારી રહ્યો છે. તેની BCCI સાથે વાત કરવા અને GT20 (કેનેડા), આયરલેન્ડમાં યુરો ટી20 સ્લેમ અને હોલેન્ડમાં રમવા અંગે વધુ સ્પષ્ટતા માગવાની આશા છે, કારણ કે, તેની પાસે રજૂઆત છે.’

ઈરફાન પઠાણને CPL માટે ન મળી મંજૂરી

ઈરફાન પઠાણે તાજેતરમાં જ કેરેબિયન પ્રીમિયર લીગના ડાફ્ટમાં પોતાનું નામ આપ્યું હતું પણ તે હજુ સક્રિય ફર્સ્ટ ક્લાસ ક્રિકેટર છે અને તેણે બીસીસીઆઈ પાસેથી મંજૂરી નથી લીધી. BCCIના એક ઉચ્ચ અધિકારી જણાવ્યું કે, ‘ઈરફાનને ડ્રાફ્ટમાંથી નામ પરત લેવા માટે કહેવામાં આવ્યું. જ્યાં સુધી યુવરાજનો સવાલ છે તો અમારે નિયમ જોવા પડશે. જો તે ફર્સ્ટ ક્લાસ ક્રિકેટમાંથી નિવૃત્તિ લઈ પણ લે તો પણ BCCIના અંતર્ગત રજિસ્ટર્ડ સક્રિય ટી20 ખેલાડી હોઈ શકે છે.’

IPLમાં રહ્યો નિષ્ફળ

યુવરાજ આ વર્ષે IPLમાં મુંબઈ ઈન્ડિયન્સ તરફથી રમ્યો પણ તેને વધારે તક મળી નહીં અને કદાચ આ જ કારણ છે કે, તે પોતાની ભવિષ્યની યોજનાઓ પર ગંભીરતાથી વિચાર કરી રહ્યો છે. આ બધાની વચ્ચે કેટલાક લોકોનું માનવું છે જો ઝહીર ખાન અને વીરેન્દ્ર સેહવાગ દુબઈમાં ટી10 લીગનો ભાગ બની શકતા હોય તો પછી યુવરાજને સ્વીકૃતિ કેમ ન મળી શકે.

BCCI આપશે તો જ પ્રાઈવેટ લીગમાં રમી શકશે

BCCI અધિકારીએ કહ્યું, ‘ટી10ને ભલે ICC તરફથી સ્વીકૃતિ મળી હોય પણ હજુય આ સ્વીકાર્ય ફોર્મેટ નથી. પણ આગળ જ્યારે પણ ખેલાડીઓનો સંઘ આકાર લેશે ત્યારે રિટાયર્મેન્ટ લઈ ચૂકેલા ખેલાડીઓનો મામલો વિચાર માટે આવી શકે છે.’ જોકે, તે સૈદ્ધાંતિક રૂપે સહમત છે કે, સન્યાસ લઈ ચૂકેલા ખેલાડીઓને પ્રસ્તાવ મળવા પર બિગ બેશ, CPL અથવા BPLમાં રમવાની પરવાનગી મળવી જોઈએ.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat http://bit.ly/2VPlIMX