અમદાવાદઃ અમદાવાદ જિલ્લાના સાણંદમાં એક ચોંકાવનારો કિસ્સો સામે આવ્યો છે. લગ્નના છ વર્ષ બાદ પણ પોતાને ત્યાં પારણું ન બંધાતા સંતાનની ઘેલછામાં એક શખ્સે સાણંદમાં આવેલા એક મોલ બહારથી 4 વર્ષની બાળકીનું અપહરણ કર્યું હતું. કારણ કે તે પોતાની પત્નીને બાળક આપી પરિવાર પૂરો કરવા માગતો હતો.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
ડેપ્યૂટી પોલીસ સુપ્રિટેન્ડેન્ટ કે.ટી. કામરિયાએ જણાવ્યું કે મંગળવારે બપોરે શખ્સને સાણંદ જીઆઈડીસીમાં આવેલા તેના ઘરેથી જ ઝડપી પાડવામાં આવ્યો છે સાથે જ તેની સામે અપહરણની ફરિયાદ નોંધવામાં આવી છે. ‘જો કે બાળકીને કોઈ નુકસાન પહોંચ્યું નથી, તે સુરક્ષિત સ્થિતિમાં મળી આવી હતી’ તેમ કામરિયાએ કહ્યું.
આ કેસ અંગે વિગતવાર વાત કરતાં કામરિયાએ કહ્યું કે ભરત પાડવી તેની પત્ની અને ત્રણ દીકરીઓ સાથે સોમવારે સાંજે સાણંદમાં આવેલા મોલમાં ગયો હતો. ‘સૌથી નાની દીકરી રિન્કલ (4) સહિત ત્રણેય છોકરીઓ મોલ બહાર રમી રહી હતી તેથી દંપતીએ મોલમાં જઈને ફટાફટ શોપિંગ કરીને આવવાનું નક્કી કર્યું. આ દરમિયાન એક શખ્સ, બાદમાં જેની ઓળખ મનીષ બામણિયા તરીકે થઈ તે આવ્યો અને છોકરીઓ સાથે રમવાનું શરૂ કરી દીધું. વરસાદ આવતો હોવાથી તે રિન્કલ સાથે રમતો હોવાનું બહેનોને કહીને ત્યાંથી તેને લઈ ગયો હતો’ તેમ એક પોલીસ કર્મીએ જણાવ્યું.
જ્યારે ભરત અને તેની પત્ની બહાર આવ્યા ત્યારે બહેનોએ માતા-પિતાને જણાવ્યું કે એક અંકલ રિન્કલને રમાડવા માટે લઈ ગયા છે. તે સમયે વરસાદ પડી રહ્યો હોવાથી મોટાભાગના લોકો આશરો લેવા માટે ઝાડ અને બિલ્ડિંગ નીચે ઉભા હતા. જ્યારે એક વ્યક્તિને તેમણે એક બાળકીને લઈ જતા જોયો હતો, પરંતુ તેમને લાગ્યું કે આ તે વ્યક્તિનું બાળક હશે.
આ દરમિયાન મનીષ એક ઓટોમાં બેસીને રિન્કલને પત્ની પાસે લઈ ગયો. ‘તેણે પોતાની પત્નીને જણાવ્યું કે આ બાળકી તેને તરછોડાયેલી હાલતમાં મળી આવી હતી અને તેથી તે તેને ઘરે લઈ આવ્યો કારણ કે લગ્નના છ વર્ષ બાદ પણ તેઓ નિઃસંતાન હતા. આ સાંભળીને પત્નીને આઘાત લાગ્યો હતો અને તેણે કહ્યું હતું કે આ રીતે આપણે કોઈ બાળકને રાખી શકીએ નહીં અને તેણે તેને બાળકીના માતા-પિતાને શોધવા માટે કહ્યું હતું’ તેમ કામરિયાએ જણાવ્યું.
પત્નીએ બાળકીને સ્વીકારવાનો ઈનકાર કરતા મનીષ બાળકીને લઈને ઘરેથી ચાલી નીકળ્યો હતો. જ્યારે તે રસ્તા પર જઈ રહ્યો હતો ત્યારે જ રિન્કલના પિતા તેને સામે મળ્યા હતા અને શું તેણે કોઈ શખ્સને નાની બાળકીને ઉપાડીને લઈ જતા જોયો છે? તે અંગે પૂછ્યું હતું. ‘સીસીટીવી ફૂટેજમાં ભરત મનીષ સાથે વાત કરતો જોવા મળ્યો હતો કે જેણે પોતાની દીકરીને બ્લેન્કેટ ઓઢાડ્યો હોવાથી ઓળખી શક્યો નહીં’ તેમ કામરિયાએ કહ્યું. ફૂટેજના આધારે પોલીસ સાણંદ જીઆઈડીસીમાં કામ કરતા પર્વત ભૂરિયા સુધી પહોંચી હતી અને તેની બાજુમાં ચાલી રહેલા વ્યક્તિ વિશે પૂછતાં તે મનીષ હોવાનું જણાવ્યું હતું. બાદમાં પોલીસ મનીષના ઘરે પહોંચતા રિન્કલ તેમના ઘરમાં જોવા મળી હતી. બાળકી સાથે કોઈ હિંસા થઈ હોવા અંગે પણ તપાસ કરવામાં આવી હતી જો કે તે એકદમ સુરક્ષિત હતી’ તેમ કામરિયાએ જણાવ્યું.
from Page Array – I Am Gujarat https://ift.tt/2YdiQGV
No comments:
Post a Comment