ભારતીય ક્રિકેટ ટીમની કેસરી જર્સી પર વિવાદ, કોંગ્રેસે કહ્યું- ક્રિકેટનું ભગવાકરણ થયું

અમદાવાદઃ ભારત અફઘાનિસ્તાનની મેચ દરમિયાન ભારતીય ટીમ અલગ રંગની જર્સીમાં ઉતરવાની હતી જોકે, આમ ના થયું અને અફઘાનિસ્તાનના પ્લેયર્સે જર્સીનો રંગ બદલી નાખ્યો હતો. બન્ને ટીમો એક જેવા રંગની જર્સી પહેરીને મેદાનમાં ના ઉતરી શકે તેવા નિયમના કારણે ભારત, ઈંગ્લેન્ડ અને અફઘાનિસ્તાનની જર્સીના રંગ એક સરખા હોવાના કારણે ભારતે બે રંગની જર્સી પસંદ કરી છે જેમાં એક વાદળી છે અને બીજી કેસરી રંગની છે. ભારતના રાજકારણમાં ભગવો રંગ એટલે ભાજપનું પ્રતિક માનવામાં આવે છે ત્યારે આ મુદ્દે રાજકારણ ગરમાઈ રહ્યું અને ટીમ ઈન્ડિયાની જર્સીના રંગ પર કોંગ્રેસ અને સમાજવાદી પાર્ટીના નેતાઓએ સરકાર પર ક્રિકેટના ભગવાકરણનો આરોપ લગાવ્યો છે. આ રંગ પસંદ કરવા પાછાળ નરેન્દ્ર મોદીની સરકારનો હાથ હોવાના આક્ષેપો પણ થઈ ચૂક્યા છે જોકે, આ આક્ષેપોને ફગાવી દેવાયા છે.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

30મી જૂને ભારત અને ઈંગ્લેન્ડ સામેની મેચમાં ટીમ ઈન્ડિયા કેસરી રંગની જર્સી પહેરીને મેદાનમાં ઉતરશે જેથી બન્ને ટીમોની જર્સીનો રંગ એક સરખો ના થઈ જાય. આ વિવાદ પર ભારતીય ટીમના પૂર્વ ખેલાડી અતુલ વાસને વિવાદને કારણ વગરનો ગણાવ્યો છે. મહત્વનું છે કે આવું પહેલી વખત નથી થઈ રહ્યું, ભારતે T20માં પણ આ રંગની જર્સીમાં ટીમ ઈન્ડિયા જોવા મળી હતી. જેનો ઉપયોગ ભારત અને ઈંગ્લેન્ડની મેચ દરમિયાન જોવા મળશે જેથી બન્ને ટીમના પ્લેયર્સ અલગ દેખાય.

#Breaking | Massive row over new Indian cricket jersey. Congress (@INCIndia) objects to orange jersey. Congress says, ‘tricolour disrespected by PM @narendramodi’.

More details by TIMES NOW’s @karishmasingh22 & @roypranesh. | #WearOrangeWithPride pic.twitter.com/xqmSP1Uktb

— TIMES NOW (@TimesNow) June 26, 2019

આ જર્સીની ડિઝાઈનમાં કોઈ ખાસ ફરક નહીં હોય પણ તે આગળથી વાદળી જ હશે અને પીઠના ભાગે કેસરી રંગની હશે, તેમ માનવામાં આવી રહ્યું છે. ભારતીય પ્રશંસકો ટીમને બ્લુ રંગની જર્સીમાં જોવા માટે ટેવાયેલા છે માટે આ સ્પેશિયલ રીતે નવી જર્સીને ડિઝાઈન કરાઈ છે જે બન્ને ટીમના પ્લેયર્સને અલગ પાડશે. ICC અને BCCI બન્નેએ જર્સીના રંગ પાછળ રાજકીય હાથ હોવાના વિવાદને ફગાવી દીધો છે અને તેને ડિઝાઈનરનો આઈડિયા ગણાવ્યો છે કે જેથી બન્ને ટીમો એક રંગના કપડામાં ના દેખાય તે રીતે તેની ડિઝાઈન કરાઈ છે.

મહત્વનું છે કે, આવું જ આફ્રીકા અને અફઘાનિસ્તાનની ટીમો પણ કરી રહી છે, તેમના અન્ય ટીમો સાથે કપડા મેચ થતા હોવાના કારણે આ ટીમો પણ બે રંગની જર્સી સાથે રમી રહી છે જે અફઘાનિસ્તાન અને ભારત તથા આફ્રીકાની પાકિસ્તાન સામેની મેચ દરમિયાન જોવા મળ્યું હતું.

from Cricket News in Gujarati, ક્રિકેટ સમાચાર, Cricket Updates – Page Array – I Am Gujarat https://ift.tt/2YfDeXV