નવી દિલ્હી:નાણાકીય સંકટમાં મુકાયેલી દીવાન હાઉસિંગ ફાઇનાન્સ કોર્પોરેશન લિમિટેડ (DHFL)એ બુધવારે કહ્યું હતું કે તે ટૂંક સમયમાં તેની બે સબસિડિયરી DHFL પ્રામેરિકા એસેટ મેનેજર્સ અને DHFL પ્રામેરિકા ટ્રસ્ટીઝમાં તેનો સંપૂર્ણ હિસ્સો વેચી દેશે. DHFL તાજેતરમાં જ પેમેન્ટ મામલે ડિફોલ્ટ થઈ છે, જેને પગલે ગભરાટ વ્યાપી ગયો છે અને તેના શેરમાં પણ ભારે ધોવાણ થઈ ગયું છે.
હવે કંપનીએ દેવું ચૂકવવા માટે વિવિધ સબસિડરી કંપનીઓમાં હિસ્સો વેચવાની કવાયત શરૂ કરી છે. DHFL પ્રામેરિકા એસેટ મેનેજર્સ પ્રાઇવેટ લિમિટેડમાં મેનેજમેન્ટમાં પરિવર્તન માટે સેબીએ મંજૂરી આપી દીધી છે તેમ કંપનીએ કહ્યું હતું. ડીએચએફએલે ડીએચએફએલ પ્રામેરિકામાં તેનો સંપૂર્ણ 50 ટકા હિસ્સો વેચી દેવા માટે ડેલવર ઇન્ક (પ્રુડેન્શિયલ)ની પીજીએલએચ સાથે કરાર કર્યા છે.
કંપની તેમાં 17.12 ટકા હિસ્સો સીધો જ ધરાવે છે અને 32.88ટકા હિસ્સો સબસિડરી (DHFL એડ્વાઇઝરી એન્ડ ઇન્વેસ્ટમેન્ટ્સ પ્રાઇવેટ લિમિટેડ) મારફતે ધરાવે છે. કંપનીએ આ સાથે જ DHFL પ્રામેરિકા ટ્રસ્ટીઝ પ્રાઇવેટ લિમિટેડમાં પણ તેનો સંપૂર્ણ 50 ટકા હિસ્સો વેચી દેવાનો નિર્ણય કરી લીધો છે.
DHFLએ મંગળવારે તેના ₹375 કરોડના મૂલ્યના કોમર્શિયલ પેપર્સ (CP) પર મુદ્દલની પરત ચુકવણીના મામલે ડિફોલ્ટ થઈ હતી. તેણે 40 ટકા જ રકમ પરત ચૂકવી હતી. કંપનીએ ₹225 કરોડની પરત ચુકવણીમાં ડિફોલ્ટ થઈ હતી. તેણે ₹150 કરોડ (40 ટકા રકમ) ચૂકવી દીધી હતી.
from Page Array – I Am Gujarat https://ift.tt/31XhiTy
No comments:
Post a Comment