અલ્પેશ ઠાકોરની મુશ્કેલીમાં વધારો, ધારાસભ્ય પદ મામલે હાઈકોર્ટે ફટકારી નોટિસ

અમદાવાદઃ કોંગ્રેસ સાથે છેડો ફાડ્યા બાદ પણ રાધનપુરના ધારાસભ્ય પદે અલ્પેશ ઠાકોરનું નામ ચાલુ રહેતા ગુજરાત હાઈકોર્ટે ગુજરાત વિધાનસભાના અધ્યક્ષ રાજેન્દ્ર ત્રિવેદી અને અલ્પેશ ઠાકોરને નોટિસ મોકલી છે. કોંગ્રેસ પાર્ટીએ હાઈકોર્ટમાં અલ્પેશ ઠાકોરનું ધારાસભ્ય રદ કરવાની માંગ સાથે અરજી કરી હતી જેને હાઈકોર્ટે ગ્રાહ્ય રાખી હતી.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

ગુજરાત કોંગ્રેસના મુખ્ય દંડક અશ્વિન કોટવાલે ધારાસભ્યના પદ માટે ઠાકોરને ગેરલાયક ઠેરવવાની માગ સાથે વિધાનસભાના અધ્યક્ષને આદેશ આપવા માટેની અરજી દાખલ કરી હતી સાથે જ આ મુદ્દે 25 એપ્રિલે વિધાનસભાના અધ્યક્ષને આપેલા આવેદન પર તાત્કાલિક નિર્ણય લેવા માટે પણ વિનંતી કરી હતી. કોંગ્રેસે તેમ પણ કહ્યું કે ઠાકોરને ધારાસભ્ય તરીકે કામ કરવા માટે તેમજ વિભાનસભા સત્રમાં ભાગ લેવા માટેની મંજૂરી આપવી જોઈએ નહીં. આ સાથે જ આગામી રાજ્યસભાની ચૂંટણીમાં પણ તેમને મતદાન કરતાં રોકવા જોઈએ.

અરજદાર અશ્વિન કોટવાલે કહ્યું કે વિભાનસભાના અધ્યક્ષે અલ્પેશ ઠાકોરનું ધારાસભ્ય પદ રદ કરી દેવું જોઈએ કારણ કે કોંગ્રેસ પાર્ટીએ બંધારણના 10મા શિડ્યૂલની જોગવાઈ મુજબ આ માટે માગ કરી છે કારણ કે 10મી એપ્રિલે તેમણે સ્વેચ્છાએ પાર્ટીના સભ્યપદેથી રાજીનામું આપી દીધું હતું. કોટવાલે સાથે જ કહ્યું કે રાધનપુર વિધાનસભાની બેઠકને હવે ખાલી જાહેર કરી દેવી જોઈએ.

કોંગ્રેસમાંથી રાજીનામું આપ્યા બાદ અલ્પેશ ઠાકોર સત્તાધારી પક્ષ ભાજપ સાથે સતત બેઠક કરી રહ્યા છે, તેથી તેની મદદ કરી રહ્યા હોવાનું જોતા કોંગ્રેસ પાર્ટીએ બે મહિના પહેલા આવેદન આપ્યું હોવા છતાં અધ્યક્ષે કોઈ નિર્ણય લીધો નથી. ગુજરાત હાઈકોર્ટમાં આ મામલે આગામી સુનાવણી 27 જૂને હાથ ધરાશે.

from Page Array – I Am Gujarat http://bit.ly/2Yd2SMM