અમદાવાદ: નર્સની બે શખસોએ કરી છેડતી, બચાવવા વચ્ચે પડેલા મિત્રને પણ માર માર્યો

અમદાવાદમાં મહિલાની સુરક્ષા દિવસેને દિવસે જોખમમાં મૂકાઈ રહી છે. હાલમાં જ નવરંગપુરાના PGમાં એક શખસે ઊંઘી રહેલી યુવતી સાથે ગેરવર્તણૂક કરી હતી. ત્યારે હવે વધુ એક યુવતીની છેડતીનો બનાવ બન્યો છે. રવિવારે રાત્રે સોલા સાયન્સ સિટી રોડ પર હોસ્પિટલમાં કામ કરતી 24 વર્ષની નર્સ સાથે બે શખસે છેડતી કરી. જ્યારે યુવતીને બચાવવા તેનો પુરુષ મિત્ર વચ્ચે આવ્યો તો આ ગુંડાઓએ તેને પણ લાફો મારીને ફેંકી દીધો હતો.

હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો

રવિવારે રાત્રે અંદાજે 9 વાગ્યે બે નર્સ પોતાની હોસ્ટેલ તરફ ચાલીને જઈ રહી હતી. આ સમયે એક લક્ઝરી કારમાં બેઠેલા બે શખસે તેમની પાસે આવીને કાર ધીમી કરી અને તેની છેડતી કરવા લાગ્યા. કારમાંથી એક શખસે પૂછ્યું, ‘તારે મારો નંબર લેવો છે? તું મારો નંબર લેતી જા.’

જ્યારે બંને નર્સે કોઈ જવાબ ન આપ્યો તો બંને શખસો કાર પાર્ક કરીને ચાલતા તેમનો પીછો કરવા લાગ્યા. બંને વચ્ચે રસ્તા પર બોલાચાલી થવા લાગી. પોલીસ મુજબ નર્સનો પુરુષ મિત્ર આ સમયે તેની સાથે ફોન પર વાત કરી રહ્યો હતો અને તેને આ બધો વાતો સાંભળી. કેસની તપાસ કરી રહ્યા PSI ભાવેશ પરમારે અમારા સહયોગી અમદાવાદ મિરરને કહ્યું, તે નજીકમાં જ હતો અને જલ્દી ત્યાં પહોંચી ગયો. જ્યારે મિત્ર ત્યાં પહોંચ્યો અને મામલામાં દખલગીરી કરવાનો પ્રયાસ કર્યો તો બંને શખસોએ પોતે ઠાકોર હોવાનું કહીને તેને લાફો માર્યો.

PSI પરમારે કહ્યું કે, ફરિયાદી નર્સે કહ્યું તે શખસની કાર પર પણ ઠાકોર લખેલું હતું. તેમણે પોલીસ પાસે ન જવાની પણ ધમકી આપી હતી. આ બાદ બંને નર્સ અને તેનો મિત્ર ત્રણેય સોલા પોલીસ ચોકીમાં ગયા અને ફરિયાદ નોંધાવી. પરમારના કહેવા મુજબ, ‘બંને નર્સે આરોપી શખસોને ઘણીવાર ત્યાંથી જતા જોયા છે આથી પોલીસને શંકા છે કે તેઓ નજીકમાં જ રહેતા હશે. અમે CCTV ફૂટેજ દ્વારા તેમને શોધવાની કવાયત હાથ ધરી છે અને IPC 354(d) હેઠળ ફરિયાદ નોંધી કેસની તપાસ શરૂ કરી છે.’

સોલા પોલીસે કહ્યું કે આરોપી સ્થાનિક ગુંડો છે અને પૂર્વમાં પણ અનેક ગુનામાં જેલમાં જઈ ચૂક્યો છે. બંને નર્સ કામ કરે છે ત્યાંના ડોક્ટરે કહ્યું કે, છોકરીઓ નજીકમાં જ રહે છે તેથી ચાલતા હોસ્પિટલથી ઘરે જતી. હવે અમે નક્કી કર્યું છે કે નજીકમાં રહેતા સ્ટાફને પણ વ્હીકલની સેવા આપીશું.

from Page Array – I Am Gujarat http://bit.ly/2YcCWkv