આ રીતે બનાવશો તો એકદમ પરફેક્ટ બનશે ચણાના લોટના પૂડલા

ઈન્સ્ટન્ટ વાનગીઃ

ચણાના લોટના પૂડલા એક એવી વાનગી છે જે મેગી કરતા પણ ફટાફટ બની જાય છે. તે પૌષ્ટિક છે અને ખાવામાં પણ બહુ સ્વાદિષ્ટ લાગે છે. સાથે લીલી ચટણી હોય તો પૂડલા ખાવાની મજા બમણી થઈ જાય છે. આમ તો ચણાના લોટના પૂડલા બનાવવા સાવ આસાન છે પરંતુ આજે અમે તમારી સાથે જે ટિપ્સ શેર કરવા જઈ રહ્યા છે તેનાથી પૂડલા એકદમ પરફેક્ટ ઉતરશે.

હવે એક મેસેજ મોકલી WhatsApp પર મેળવો અમારા ન્યુઝ, Start કરવા અહીં ક્લિક કરો

સામગ્રીઃ

ત્રણ કપ ચણાનો લોટ
અડધો કપ સૂજી
એક નાની ચમચી લાલ મરચાનો પાવડર
બે-ત્રણ લીલા મરચા
એક ડુંગળી (ઝીણી સમારેલી)
1 મોટી ચમચી ઝીણી સમારેલી કોથમીર
સ્વાદાનુસાર નમક
તેલ
પાણી

સ્ટેપ 1

એક વાસણમાં ચણાનો લોટો, સોજી અને પાણી નાંખી ખીરુ બનાવી લો. પાણી થોડુ થોડુ કરી નાંખો જેથી ખીરુ વધારે પાતળુ ન બની જાય, કે વધારે ઘટ્ટ ન રહી જય.

સ્ટેપ 2

ખીરામાં મીઠુ, લાલ મરચુ, લીલા મરચા, ડુંગળી અને કોથમીર નાંખો અને બરાબર મિક્સ કરી દો.

સ્ટેપ 3

તવો ગરમ કરી તેના પર થોડુ તેલ નાંખો અને તવામાં ચારેય તરફ ફેલાવી દો. તેલ ગરમ થાય એટલે ગોળાકારમાં પૂડલો પાથરી દો. એક સાઈડ ચડી જાય એટલે ચારેય તરફ થોડુ તેલ નાંખી પૂડલો ઉખાડો અને બીજી સાઈડ શેકો.

સ્ટેપ 4

તમે દહીં, અથાણા કે સોસ સાથે ગરમાગરમ પૂડલા સર્વ કરી શકો છો.

from Page Array – I Am Gujarat https://ift.tt/2IOoGZX