સુરતઃ બુધવારે શહેરના સૈયદપુરા વિસ્કારમાં આવેલા મનોહર કોમ્પલેક્ષમાંથી કોંગ્રેસના એક્ટિવ મહિલા કાર્યકરની લાશ મળી આવતા ચકચાર મચી જવા પામી હતી. આ મહિલા કાર્યકરની બાજુમાંથી તેનો પતિ પણ બેભાન અવસ્થામાં મળી આવ્યો હતો. મહિલાનું નામ લિપા અલી છે અને તેનો પતિ સાહેબ પશ્ચિમ બંગાળનો રહેવાસી છે અને તેઓ પાછલા અમુક વર્ષોથી સુરતમાં રહેતા હતા. લિપાના ગળાના ભાગે ચપ્પાના ઘા મારેલા હતા જ્યારે બેભાન સાહેબને સ્મિમેર હોસ્પિટલમાં ખસેડાયો હતો. લાલગેટ પોલીસે FIR નોંધીને કેસની તપાસ શરૂ કરી છે.
હવે એક મેસેજ મોકલી Whatsapp પર મેળવો ન્યૂઝ, શરુ કરવા માટે અહીં ક્લિક કરો
પોલીસને શંકા છે કે સાહેબે પત્નીને હત્યા કર્યા બાદ ઝેરી દવા પીધી હશે. આ દંપતિને સાગર અને ઈબ્રાહિમ નામના બે દીકરા છે. બુધવારે અંદાજે 5.30 વાગ્યે સાગર પોતાના મિત્ર સાથે ઘરે આવ્યો. વારંવાર ખખડાવવા છતાં કોઈ દરવાજો નહોતું ખોલી રહ્યું. તેણે પાડોશીઓનો બોલાવ્યા અને દરવાજો તોડીને અંદર જોયું હતું મા-બાપ બંને જમીન પર પડ્યા હતા.
બંનેને ચેક કરતા મહિલા મૃત્યુ પામી હતી જ્યારે પતિ બેભાન સ્થિતિમાં હતો. પોલીસ અધિકારીએ કહ્યું કે, એવું લાગી રહ્યું છે કે પુરુષે ધારદાર ચાકુ વડે હુમલો કરી મહિલાને મોતને ઘાટ ઉતારી દીધી. આ બાદ પોતે પણ ઝેરી દવા પીને જીવન ખતમ કરવાનો પ્રયાસ કર્યો.
સાહેબ ઉંદર મારવાની દવા વેચવાનું કામ કરતો અને તેની પત્ની કોંગ્રેસની એક્ટિવ મહિલા કાર્યકર હતી. પોલીસની પ્રાથમિક તપાસમાં જાણવા મળ્યું કે આ દંપતિમા બંને વચ્ચેના મતભેદોના કારણે ઘણીવાર ઝઘડો થતો. પોલીસને શંકા છે કે પતિને પોતાની પત્નીનું અન્ય વ્યક્તિ સાથે લફરું હોવાની શંકા હતી. થોડા મહિના અગાઉ લિપા અલીને લાલગેટ પોલીસ સ્ટેશનના કોન્સ્ટેબલે જાહેરમાં લાફો માર્યો હતો. આ ઘટનાનો વીડિયો સામે આવ્યા બાદ તે કોન્સ્ટેબલને સસ્પેન્ડ કરી દેવામાં આવ્યો હતો.
from Page Array – I Am Gujarat https://ift.tt/2X9tKME
No comments:
Post a Comment