સિમેન્ટ બિઝનેસ વેચવા ઇમામીની મંત્રણા શરૂ

69968069

ઇંદુલાલ પીએમ/સૈકત દાસ

મુંબઈ:ઇમામી ગ્રૂપ સિમેન્ટ બિઝનેસમાંથી તેનો હિસ્સો વેચી નાખવા માંગે છે અને આ માટે તેણે અલ્ટ્રાટેક સિમેન્ટ તથા પ્રાઇવેટ ઇક્વિટી ફંડ્સ કેકેઆર અને ટેમાસેક હોલ્ડિંગ્સ સાથે વાતચીત શરૂ કરી છે. સિમેન્ટ બિઝનેસનું મૂલ્ય ₹5,000થી ₹5,500 કરોડ આંકવામાં આવે છે. કોલકાતા સ્થિત ઇમામી જૂથ લિવરેજ ઘટાડીને એફએમસીજી બિઝનેસ પર ધ્યાન કેન્દ્રિત કરવા માંગે છે.

જાણકાર સૂત્રોએ કહ્યું કે, “ઇમામીના મેનેજમેન્ટે હજુ નક્કી કર્યું નથી કે તેઓ સંપૂર્ણપણે એક્ઝિટ કરશે કે આંશિક હિસ્સો વેચશે. તે ખાણ કે પ્લાન્ટના એસેટ લેવલે નિકાલ માટે પણ વિચારી શકે છે.” ઇમામીએ આ પ્રક્રિયા એવા સમયે કરી છે જ્યારે સિમેન્ટ બિઝનેસે આઇપીઓ માટે રેગ્યુલેટરી ક્લિયરન્સ મેળવ્યું છે. કંપની પ્રસ્તાવિત આઇપીઓ દ્વારા ₹1,000 કરોડ સુધી એકત્ર કરવા માંગે છે જેમાં ₹500 કરોડના નવા શેર ઇશ્યૂ કરવામાં આવશે. જ્યારે બાકીનાં નાણાં વર્તમાન પ્રમોટર્સ તરફથી ઓફર ફોર સેલ દ્વારા એકઠાં કરાશે.

આઇપીઓની સલાહકાર ઇન્વેસ્ટમેન્ટ બેન્ક નોમુરા આ વેચાણ માટે વાતચીત કરી રહી છે. ચાલુ સપ્તાહમાં ડાઇવર્સિફાઇડ ઇમામી જૂથના પ્રમોટર્સે તેમનું દેવું ઘટાડવા માટે ₹1,230 કરોડ એકત્ર કરવા 10 ટકા હિસ્સો વેચ્યો હતો. ફેબ્રુઆરીમાં પ્રમોટર્સે ₹1,600 કરોડ માટે કંપનીનો 10 ટકા હિસ્સો વેચ્યો હતો. તાજેતરના શેર સેલિંગ બાદ ઇમામીમાં પ્રમોટર્સનો હિસ્સો ઘટીને 52.73 ટકા થયો છે. આ દરમિયાન તેણે 4.54 કરોડ શેર્સ વેચ્યા છે.

કંપનીના અધિકારીઓએ ઇટીને જણાવ્યું કે હિસ્સો વેચવાનો હેતુ પ્રમોટરના સ્તરે દેવું ઘટાડવાનો છે જે હાલમાં ₹2,200 કરોડ જેટલું છે. “હાલની યોજના 6-8મહિનામાં પ્રમોટર્સનું દેવું ઘટાડીને શૂન્ય ટકા કરી દેવાની યોજના છે. તેનાથી ઇમામી લિમિટેડમાં હિસ્સાનું વધારે ડાયલ્યુશન નહીં થાય.” તેમ ઇમામી ગ્રૂપના ડિરેક્ટર મોહન ગોયન્કાએ જણાવ્યું હતું. “અમે ડાઇવર્સિફાઇડ જૂથ છીએ અને ઘણી મૂલ્યવાન એસેટ્સ ધરાવીએ છીએ જેને મોનેટાઇઝ કરી શકાય છે. અમે તમામ વિકલ્પો વિચારી રહ્યા છીએ. તેમાં 6-8મહિનાના ગાળામાં સ્ટ્રેટેજિક ડિસઇન્વેસ્ટમેન્ટ, આઇપીઓ અથવા ગ્રૂપ એસેટના સ્ટેક સેલનો સમાવેશ થાય છે.”

આ વિશે સંપર્ક કરવામાં આવ્યો ત્યારે કેકેઆર, અલ્ટ્રાટેક અને ટેમાસેકે ટિપ્પણી કરવાનો ઇનકાર કર્યો હતો. ઇમામી સિમેન્ટ હાલમાં ત્રણ મેન્યુફેક્ચરિંગ યુનિટ ચલાવે છે જે મધ્યપ્રદેશમાં રિસડા, પશ્ચિમ બંગાળમાં પાનાગ્રહ અને બિહારમાં ભબુઆ ખાતે આવેલી છે. તેની કુલ ક્ષમતા 5.6 મિલિયન ટનની છે. આ ઉપરાંત તે આંધ્ર અને રાજસ્થાનમાં માઇનિંગ એસેટ ધરાવે છે.

ઇમામીએ 2007માં તેના સિમેન્ટ બિઝનેસની શરૂઆત કરી હતી અને તેનું ‘ડબલ બેલ’ બ્રાન્ડ હેઠળ વેચાણ કરે છે. તેના સિમેન્ટ માટેનાં મુખ્ય બજારોમાં પશ્ચિમ બંગાળ, ઓડિશા, ઝારખંડ, બિહાર, મહારાષ્ટ્ર અને મધ્યપ્રદેશનો સમાવેશ થાય છે. ગ્રૂપ 2,200થી વધારે ડીલર્સનું વિતરણ નેટવર્ક ચલાવે છે. 160થી વધારે ભારતીય શહેરોમાં તે 5,000થી વધુ રિટેલર્સ ધરાવે છે. છેલ્લા એક મહિનામાં ઇમામીનો શેર 12 ટકા ઘટ્યો છે. બુધવારે તે ₹317.95 બંધ આવ્યો હતો.

from Page Array – I Am Gujarat https://ift.tt/2IRVzFj