અ’વાદઃ એક તરફી પ્રેમમાં પાગલ પ્રેમીએ યુવતીને માર્યો લાફો, એસિડ ફેંકવાની પણ આપી ધમકી

અમદાવાદઃ બે દિવસ પહેલા શહેરના આંબાવાડી વિસ્તારમાં એક તરફી પ્રેમમાં પાગલ યુવકે છોકરીની હત્યા કરી હોવાનું સામે આવ્યું હતું ત્યારે હવે રામોલ વિસ્તારમાં પણ આવો જ કંઈક કિસ્સો બન્યો છે. જ્યાં શનિવારના રોજ એક તરફી પ્રેમમાં પાગલ યુવકે 18 વર્ષની યુવતીને રામોલમાં આવેલા એક મોલમાં જઈને તેના ચહેરા પર એસિડ ફેંકવાની ધમકી આપી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

રામોલના એક અપાર્ટમેન્ટમાં રહેતી યુવતીએ આરોપી જીજ્ઞેશ પટેલ સામે છેડતી, મારપીટ અને તેના ચહેરા પર એસિડ ફેંકવાની ધમકી આપવા બદલ રામોલ પોલીસ સ્ટેશનમાં ફરિયાદ નોંધાવી હતી. યુવતીએ FIRમાં ઉલ્લેખ કર્યો છે કે તે રામોલમાં આવેલા મોલમાં કામ કરે છે.

FIRમાં યુવતીએ જણાવ્યું કે, બપોરે 4 વાગ્યે લંચ કરવા માટે તે મોલના બેઝમેન્ટમાં ગઈ હતી. ‘જિજ્ઞેશ તેની પાસે ગયો અને કહેવા લાગ્યો કે તે તેની સાથે કેમ વાતો નથી કરતી? જે બાદ જીજ્ઞેશે તેનો હાથ પકડ્યો હચો અને કહ્યું હતું કે તારે કામ કરવાની કોઈ જરૂર નથી સાથે જ તેને થપ્પડ પણ મારી હતી’ તેમ રામોલ પોલીસ સ્ટેશનના ઈન્સ્પેક્ટર કે.એસ. દવેએ કહ્યું.

FIRમાં જણાવ્યા પ્રમાણે, યુવતી મદદ માટે રડવા લાગતા, બેઝમેન્ટમાં હાજર અન્ય લોકો તેની મદદ કરવા માટે દોડી ગયા હતા. ‘જતાં-જતાં જીજ્ઞેશે તેને ચહેરા પર એસિડ ફેંકવાની પણ ધમકી આપી હતી. ડરી ગયેલી યુવતીએ તેના પિતાને ફોન કરતાં તેઓ તરત જ ત્યાં પહોંચી ગયા હતા અને બાદમાં બંને ફરિયાદ નોંધાવવા માટે પોલીસ પાસે પહોંચ્યા હતા. અમે જીજ્ઞેશ ટૂંક સમયમાં જ ધરપકડ કરીશું’ તેમ દવેએ કહ્યું.

પૂર અને વરસાદથી બિહાર થયું બેહાલ, મેઘરાજાએ જુઓ કેવી તારાજી સર્જી

from Page Array – I Am Gujarat https://ift.tt/2m9qGDx