અમદાવાદઃ તહેવારની આ સીઝન દરમિયાન શો રૂમમાંથી જ્વેલરી ચોરી થવાની ચોથી ઘટના બનતા શહેર પોલીસ પણ પરેશાન થઈ ગઈ છે. શહેરના ચાંદખેડા વિસ્તારમાં આવેલા એક શો રૂમમાં ગ્રાહક બનીને આવેલા બે શખ્સોએ રૂપિયા 2.16 લાખની કિંમતના દાગીના ચોરી કર્યા હતા. દિવસના અંતેે જ્યારે શો રૂમ બંધ કરવામાં આવી રહ્યો હતો ત્યારે સ્ટોક ચેકિંગ દરમિયાન ચોરીની આ ઘટના સામે આવી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
નારણપુરામાં રહેતા તેજસ પટેલ ચાંદખેડામાં આવેલા જ્વેલરી શો રૂમમાં કામ કરે છે. તેમણે ચાંદખેડા પોલીસ સ્ટેશનમાં દાગીના ચોરી થવાની ફરિયાદ નોંધાવી હતી. તેમણે જણાવ્યું કે, 24 ઓક્ટોબરે જ્યારે સેલ્સ પર્સન ગ્રાહકોને ઘરેણા બતાવવામાં વ્યસ્ત હતા. બે શખ્સ શોરૂમ પર આવ્યા. પોલીસે જણાવ્યું કે, આ શખ્સોએ સોનાની ચેઈન માગી હતી. જે બાદ રંજના નામની સેલ્સગર્લ તેમને ચેઈન બતાવી રહી હતી પરંતુ તેમણે કોઈ ખરીદી ન કરી અને ત્યાંથી જતા રહ્યા.
આ બાદ તે જ દિવસે સાંજે જ્યારે શોરૂમ બંધ કરતા સમયે સ્ટોક ચેક કરવામાં આવી રહ્યો હતો, ત્યારે જાણમાં આવ્યું કે 2.16 લાખ રૂપિયાની કિંમતની સોનાની ચેઈન ગુમ છે. FIR મુજબ, તેમણે તરત જ સીસીટીવી ફૂટેજ ચેક કર્યા અને જોયું કે બે શખ્સ રંજનાના કાઉન્ટર પર સોનાની ચેઈન સરકાવીને ચોરી લીધી. તેમાંથી એક વ્યક્તિએ બ્લ્યૂ અને બીજાએ સફેદ શર્ટ પહેર્યો હતો. આ બંને યુવાનો 40થી 45 વર્ષની વચ્ચેના હતા અને સોનાની ચેઈન ખીસ્સામાં નાખીને જ ત્યાંથી નીકળી જાય છે. ચાંદખેડા પોલીસ સ્ટેશનના અધિકારીએ જણાવ્યું કે તેઓ આરોપીને શોધી રહ્યા છે.
from Page Array – I Am Gujarat https://ift.tt/3499DSG
No comments:
Post a Comment