સુરતઃ એરપોર્ટ પરથી કસ્ટમ વિભાગે શનિવારના રોજ એક શખ્સ પાસેથી 90 લાખ રૂપિયાનું સોનું જપ્ત કર્યું હતું.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
અધિકારીઓના સૂત્રોએ જણાવ્યું કે, વલસાડ જિલ્લાનો રહેવાસી તેવો આ શખ્સ શનિવારે એર ઈન્ડિયા એક્સપ્રેસની ફ્લાઈટમાં શારજહાથી સુરત એરપોર્ટ પર પહોંચ્યો હતો. આરોપીએ સોનાના બિસ્કિટ અને બ્રેસલેટને જૂતામાં સંતાડી દીધા અને અધિકારીઓની નજર ન જાય તે માટે પેન્ટને નીચેથી સિલાઈ પણ મારી દીધી હતી.
નામ ન જણાવવાની શરતે એક વરિષ્ઠ અધિકારીએ કહ્યું હતું કે, ‘આ અત્યારસુધીમાં સોનાની દાણચોરીનો સૌથી મોટો મામલો છે. આરોપી પાસે સોનાના 19 બિસ્કિટ અને બે સોનાના બ્રેસ્લેટ હતા જેને તેણે જૂતાં અને કપડામાં સંતાડી દીધા હતા. એરપોર્ટ પર તેની શંકાસ્પદ ગતિવિધિની જાણ થયા બાદ ઈન્ટેલિજન્સ અધિકારીઓએ તેને ઝડપી પાડ્યો હતો’.
તેમણે વધુમાં જણાવ્યું કે, ‘આરોપીને હાલ કસ્ટડીમાં રાખવામાં આવ્યો છે અને તે આ સોનું ક્યાંથી લાવ્યો તે અંગે પૂછપરછ કરવામાં આવી રહી છે’.
સૂત્રોએ વધુમાં જણાવ્યું કે, થોડા મહિના પહેલા સુરત-શારજહાં વચ્ચે ફ્લાઈટ શરૂ થયા બાદ સુરતના એરપોર્ટ પર સોનાની દાણચોરીનો આ આઠમો મામલો છે. ખાસ કરીને કેન્દ્ર સરકારે સોનાની ઈમ્પોર્ટ ડ્યૂટી 10 ટકાથી વધારીને 12.5 કર્યા બાદ એરપોર્ટ પર સોનાની દાણચોરી વધી છે.
અત્યારસુધીમાં કસ્ટમ વિભાગના એર ઈન્ટેલિજન્સ યુનિટે 2 કિલોથી વધુના સોનાના જથ્થા સાથે નવ લોકોની ધરપકડ કરી છે.
કસ્ટમના રિપોર્ટ પ્રમાણે, છેલ્લા નવ મહિનામાં લગભગ 143 કરોડ રૂપિયાનું સોનું દેશના વિવિધ એરપોર્ટ પરથી એર ઈન્ટેલિજન્સ યુનિટ દ્વારા જપ્ત કરવામાં આવ્યું છે. જાન્યુઆરીથી લઈને સપ્ટેમ્બર સુધીમાં વિવિધ એરપોર્ટ પરથી સોનાની દાણચોરીના 66 કેસ સામે આવ્યા હતા.
વાનરે આપી પાણી બચાવવાની શીખ, પાંદડા વડે પાઈપથી લીક થતા પાણીને રોકવા લાગ્યો
from Page Array – I Am Gujarat https://ift.tt/33nOaF5
No comments:
Post a Comment