પત્નીએ ટૂંકા કપડા પહેરવાની અને દારુ પીવાની ના પાડતાં પતિએ આપ્યા ટ્રિપલ તલાક

બિહારની રાજધાની પટનામાં ટ્રિપલ તલાકનો કિસ્સો સામે આવ્યો છે. નૂરી ફાતિમા નામની એક મહિલાએ દાવો કર્યો છે કે, તેણે ‘મોડર્ન’ બનવાની, પાર્ટીમાં જવાની, દારુ પીવાની અને ટૂંકો ડ્રેસ પહેરવાની ના પાડતાં પતિએ તલાક આપી દીધા. નૂરીએ ફાતિમાએ એવો પણ આરોપ લગાવ્યો કે તેના પતિએ બે વખત ગર્ભપાત કરાવવા માટે મજબૂર કરી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

નૂરીએ કહ્યું, “મેં ઈમરાન મુસ્તફા સાથે 2015માં લગ્ન કર્યા હતા. લગ્નના થોડા દિવસ બાદ અમે દિલ્હી જતા રહ્યા. થોડા મહિનાઓ બાદ મુસ્તફાએ મને કહ્યું કે, મારે શહેરની અન્ય યુવતીઓની જેમ મોડર્ન બનવું જોઈએ. મુસ્તફાની ઈચ્છા હતી કે હું ટૂંકા કપડા પહેરું, રાત્રે પાર્ટીમાં જાઉં અને દારુ પીવું. જ્યારે મેં આ વસ્તુઓ કરવાની પાડી તો તે રોજ મારી સાથે મારપીટ કરતો હતો.”

નૂરીએ આગળ કહ્યું, “ઘણા વર્ષો સુધી મને ત્રાસ આપ્યા બાદ તેણે મને કહ્યું કે, મારું ઘર છોડીને જતી રહે. જ્યારે મેં તેની આ વાત માનવાની ના પાડી તો તેણે મને ટ્રિપલ તલાક આપી દીધા.” પીડિતાએ રાજ્ય મહિલા આયોગમાં પણ આ અંગે ફરિયાદ કરી છે. આયોગ તેના પતિ મુસ્તફાને નોટિસ મોકલી છે. બિહાર રાજ્યના મહિલા આયોગના અધ્યક્ષ દિલમણિ મિશ્રાએ કહ્યું કે નૂરીનો પતિ ઘણીવાર તેને ત્રાસ આપતો હતો. તેણે બે વખત તેને ગર્ભપાત કરાવવા મજબૂર કરી હતી.

દિલમણિ મિશ્રાએ કહ્યું કે, ‘અમે આ મામલાને ગંભીરતાથી લીધો છે અને મુસ્તફાને નોટિસ મોકલી છે. એક સપ્ટેમ્બરે મુસ્તફાએ નૂરીને ટ્રિપલ તલાક આપ્યા હતા.’ ઉલ્લેખનીય છે કે, રાષ્ટ્રપતિ રામનાથ કોવિંદે ટ્રિપલ તલાકને ગેરકાયદે ઠેરવતા બિલને 1 ઓગસ્ટે મંજૂરી આપી હતી. ટ્રિપલ તલાક હવે અપરાધ છે અને તેના માટે ત્રણ વર્ષની સજા થઈ શકે છે.

60 વર્ષનું સૌથી વિનાશક વાવઝોડું જાપાનમાં ત્રાટક્યું

from Page Array – I Am Gujarat https://ift.tt/2VA0WO4