વોશિંગટનઃ અમેરિકાએ ઈસ્લામિક સ્ટેટના આકા બગદાદીનો ખાતમો બોલાવેલા ઓપરેશનની ચોમેર ચર્ચા થઈ રહી છે. આ ચર્ચા બાદ અમેરિકાએ બગદાદીના મૃતદેહનું શું કર્યું તે અંગેના સવાલો થઈ રહ્યા છે. જેનો અમેરિકાની સેનાએ જવાબ આપ્યો છે. સેનાએ જણાવ્યું કે નિયમો અને લૉ ઓફ આર્મ્ડ કોન્ફ્લિક્ટ હેઠળ બગદાદીના મૃતદેહનો નિવેડો લાવવામાં આવ્યો છે. અમેરિકાના સંરક્ષણ સૂત્રોએ આ અંગે સ્પષ્ટતા કરીને જણાવ્યું છે કે તેના મોત બાદ ડીએનએ ટેસ્ટ કરવામાં આવ્યો અને પછી તેના મૃતદેહને દરિયામાં દફનાવી દેવામાં આવ્યો છે.
કૂતરાની મોત મર્યો બગદાદીઃ ટ્રમ્પ
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ પહેલા અમેરિકાએ ખુંખાર આતંકી ઓસામા બિન લાદેનને ઠાર કર્યા પછી પણ આ પ્રકારે તેના મૃતદેહને દરિયામાં દાટી દીધો હતો. અમેરિકાની સેનાના જોઈન્ટ ચીફ ઓફ સ્ટાફના ચેરમેન માર્ક મિલીએ જણાવ્યું, “બગદાદીના શબનો ડીએનએ ટેસ્ટ કર્યા બાદ તેને સુરક્ષિત સ્થાન પર લઈ જવામાં આવ્યો. આ પછી તેના મૃતદેહનો નિકાલ કરવામાં આવ્યો. આ કામને સંપૂર્ણ રીતે નિયમોના આધારે પૂર્ણ કરવામાં આવ્યું.”
અમેરિકાની સેનાએ શનિવારે સાંજે સીરિયાના ઉત્તર પશ્ચિમ વિસ્તારમાં ઈદલિબના બારિશા ગામમાં કાર્યવાહી કરીને બગદાદી સહિત ઘણાં આતંકીઓને ઠાર કર્યા હતા. અમેરિકાના કમાન્ડોએ પોતાને સંપૂર્ણ રીતે ઘેરી લીધા બાદ બગદાદીએ પોતાને બોમ્બથી ઉડાવી દીધો હતો.
અમેરિકાની સેનાના ટોપ જનરલે જણાવ્યું, “તેના મૃતદેહને અમે સ્ટાન્ડર્ડ ઓપરેશન પ્રોસિઝર હેઠળ નિકાલ કરી દીધો છે. જેમાં અમે લૉ ઓફ આર્મ્ડ કોન્ફ્લિક્ટનું પાલન કરીને કર્યો છે.” આપને જણાવી દીઈએ કે 2011માં પાકિસ્તાનના એબટાબાદમાં અલકાયદાના આકા ઓસામા બિન લાદેનને અમેરિકાના સીલ કમાન્ડોઝ તેના ગુપ્ત ઠેકાણા પર ઠાર માર્યો હતો. આ ઓપરેશન બાદ લાદેનના શબને સમુદ્રમાં દફનાવી દેવામાં આવ્યો હતો. ત્યારે લાદેનના મૃતદેહને એક કાળા બેગમાં રાખીને ડૂબાડી દેવામાં આવ્યો હતો. બેગની અંદર લગભગ 136 કિલોનું લોખંડ પણ રાખવામાં આવ્યું હતું, જેના કારણે મૃતદેહ દરિયાની એકદમ નીચે પહોંચી જાય.
from Page Array – I Am Gujarat https://ift.tt/2WtKq2E
No comments:
Post a Comment