પ્રેગનેન્સીનો છઠ્ઠો મહિનો ચાલતો હતો, યુવતી સાથે ટોઈલેટમાં બની એક ભયાનક ઘટના

લંડન: સામાન્ય રીતે પ્રેગનેન્સીના છેલ્લા દિવસોમાં વોટર લીકેજ શરુ થાય તેના થોડા કલાકો કે ક્યારેક તો મિનિટોમાં જ ડિલિવરી થઈ જતી હોય છે. પરંતુ બ્રિટનની એક મહિલા સાથે કંઈક અજુગતું જ બન્યું છે. લોરેન મિડલ્ટન નામની આ મહિલાને છ મહિનાનો ગર્ભ હતો ત્યારે મધરાત્રે તે ટોઈલેટ જવા ઉઠી, અને અચાનક જ તેને વોટર લિકેજ શરુ થઈ ગયું હતું. તેને તાત્કાલિક હોસ્પિટલ લઈ જવાઈ, અને ડોક્ટરોએ તેની પ્રિમેચ્યોર ડિલિવરી કરવાની તૈયારી પણ શરુ કરી દીધી હતી.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

જોકે, એક્સપર્ટ ડોક્ટર્સની ટીમે નક્કી કર્યું કે લોરેનની હાલ ડિલિવરી કરવાને બદલે તેના બાળકને ગર્ભમાં જ મેચ્યોર થવા માટે પૂરતો સમય આપવામાં આવે, અને શક્ય હોય તેટલી મોડી ડિલિવરી કરાવાય. આમ તો, પ્રેગનેન્સીના આઠ મહિના પૂરા થાય પછી ગમે ત્યારે વોટર લીકેજ થઈ શકે છે અને લેબર પેઈન શરુ થાય છે. જોકે, મેડિકલ સાયન્સ અનુસાર પ્રિટર્મ પ્રિલેબર રપ્ચર ઓફ મેમ્બરાન્સ અથવા તો PROMની સ્થિતિમાં પ્રિમેચ્યોર પ્રેગનેન્સીમાં વોટર લીકેજ થાય છે પરંતુ લેબલ પેઈન નથી થતું.

પ્રેગનેન્સીના ત્રણેટ ટકા કેસમાં આવું બને છે. જોકે, લોરેનના કિસ્સામાં તેનું વોટર લીકેજ થયા બાદ તેને ત્રણ દિવસ હોસ્પિટલમાં રખાયા બાદ રજા આપી દેવામાં આવી હતી. તે દર અઠવાડિયે બે દિવસ હોસ્પિટલ જતી હતી. આખરે આ ઘટનાના 10 સપ્તાહ બાદ એટલે કે સાડા આઠ મહિનાની પ્રેગનેન્સી બાદ તેણે એક દીકરાને જન્મ આપ્યો હતો.

પોતાની સ્થિતિ અંગે લોરેને જણાવ્યું હતું કે, માત્ર છ મહિનાની પ્રેગનેન્સીમાં વોટર લીકેજ શરુ થઈ જતાં તે ખૂબ જ ડરી ગઈ હતી. તેનું બાળક પણ જોખમમાં હોવાના તેને સતત વિચારો આવ્યા કરતા હતા. દસ અઠવાડિયા સુધી તેને સતત હોસ્પિટલના ચક્કર કાપવા પડ્યા હતા. 34 સપ્તાહ બાદ કરાયેલા ટેસ્ટમાં ખબર પડી હતી કે લોરેનની સ્થિતિ સામાન્ય છે, અને જે પાણી વહી ગયું હતું તે ફરી સરભર થઈ ગયું છે.

આખરે ડોક્ટર્સે નક્કી કર્યું હતું કે પ્રેગનેન્સીના 37 અઠવાડિયા પસાર થવા દેવા. જોકે, 35મા અઠવાડિયે તેને લેબર પેઈન શરુ થયું હતું, અને 21 કલાક બાદ તેણે બાળકને જન્મ આપ્યો હતો. પરંતુ તેની વ્યથા ઓછી નહોતી થઈ. બાળકને શ્વાસ લેવામાં તકલીફ પડતી હોવાના કારણે તેને એડમિટ કરવામાં આવ્યું હતું. તેના બાળકને પહેલા ન્યૂમોનિયા અને પછી સેપ્સિસ હોવાનું નિદાન થયું. જોકે, ઝડપથી સારવાર મળી જવાના કારણે બાળક સાજું થઈ ગયું હતું, અને હાલ માતા અને બાળક બંને મજા કરી રહ્યાં છે.

from Health News in Gujarati: Latest Health News, Read Breaking Health News on Iamgujarat.com – Page Array – I Am Gujarat https://ift.tt/2Jy0Kds