નિયતિ પરીખ/ પાર્થ શાસ્ત્રી, અમદાવાદ: પહેલાના જમાના કરતા આજની લાઈફસ્ટાઈલ ખૂબ ફાસ્ટ થઈ ગઈ છે. તેની સાથે જ દિવાળી પર ઘરે બનતા નાસ્તા અને મીઠાઈઓની સંખ્યા ઘટી રહી છે. હવે તો દિવાળી ટાણે મોટાભાગના લોકો બહારથી મીઠાઈ લઈ આવે છે. ગ્રાહકનો અધિકાર છે કે તેને હાઈજેનિક ખાદ્યપદાર્થ મળે. દિવાળી પહેલા મીઠાઈઓ ખરીદીએ છીએ ત્યારે કેટલા ગ્રાહકોનો આ અધિકાર સચવાય છે?
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો
દિવાળી પહેલા અમદાવાદ મ્યુનિસિપલ કોર્પોરેશન (AMC) અને ગુજરાત FDCA (ફૂડ એન્ડ ડ્રગ કંટ્રોલ એડમિનિસ્ટ્રેશન) દ્વારા વિવિધ દુકાનોમાં દરોડા પાડવામાં આવ્યા. જેમાં મીઠાઈ તૈયાર કરવામાં ટેલ્કમ પાઉડર વપરાતો હોવાના અંશ મળી આવ્યા. જે બાદ લગભગ 45 મીઠાઈ ઉત્પાદકોને નોટિસ ફટકારવામાં આવી. AMC અને FDCA દ્વારા 168 સેમ્પલ લેવામાં આવ્યા હતા. જેમાં 99 આરોગવાલાયક હતા જ્યારે 69ના ટેસ્ટ હજુ બાકી છે. 10 સેમ્પલ ખાવા માટે અયોગ્ય હોવાનું બહાર આવ્યું. 9.7% ફૂડ સેમ્પલમાં ભેળસેળ હોવાનું માલૂમ પડ્યું.
3.59 લાખ વહીવટી ચાર્જ વસૂલવામાં આવ્યો. 7.5 ટન ખાદ્યપદાર્થોનો જથ્થો જપ્ત કરવામાં આવ્યો. 1.2 ટન ખોરાકના જથ્થાનો નાશ કરવામાં આવ્યો. 230 નોટિસ આપવામાં આવી હતી. આ માહિતી AMC દ્વારા પૂરી પાડવામાં આવી છે. ખાદ્યપદાર્થોમાં સામાન્ય રીતે કઈ રીતે ભેળસેળ કરવામાં આવે છે તે જાણી લો. તેનાથી શું નુકસાન થાય છે તે પણ જાણો.
-માવામાં સ્કિમ્ડ દૂધ અને મિલ્ક પાઉડરનો ઉપયોગ કરવામાં આવે છે. તેમાં સેચ્યુરેટેડ ફેટ વધારે હોય છે, કોલેસ્ટ્રોલ વધે છે.
-કાજુની મીઠાઈમાં કાજુને બદલે શીંગદાણાનો ઉપયોગ કરવામાં આવે છે. સ્વાદ જળવાઈ રહે તે માટે ભરપૂર માત્રામાં ખાંડ ઉમેરવામાં આવે છે. વધારે પડતી ખાંડ ખાવાથી વજન વધી જાય છે. સાથે જ હૃદય સંબંધિત રોગ થાય છે.
– ચાંદીના વરખને બદલે એલ્યુમિનિયમનો વરખ વપરાય છે. જે ખાવાલાયક હોતો નથી.
– તેલ: એકના એક તેલનો તળવા માટે ઉપયોગ થાય છે. આ સિવાય પામોલિન ઓઈલ પણ ઉપયોગમાં લેવાય છે. આવા તેલમાં સેચ્યુરેટેડ ફેટ વધારે હોય છે, કોલેસ્ટ્રોલનું પ્રમાણ વધે છે. વારંવાર વપરાતું તેલ ખાવા માટે હાનિકારક છે.
-ઘી: શુદ્ધ ઘીના બદલે વનસ્પતિ ઘીનો ઉપયોગ થાય છે. જેમાં સેચ્યુરેટેડ ફેટ વધુ હોય છે અને કોલેસ્ટ્રોલ વધારે છે.
from Page Array – I Am Gujarat https://ift.tt/2BM8Med
No comments:
Post a Comment