રાજકોટઃ પોરબંદરના બીચ પર રેતીમાં દાટેલી અને અડધી સળગેલી હાલતમાં મળી આવેલી યુવતીની હત્યાના ગુનાને સ્પેશિયલ ઓપરેશન ગ્રુપની ટીમે ગણતરીના કલાકોમાં ઉકેલી નાખ્યો છે. SOGના અધિકારીએ જણાવ્યું હતું કે આ યુવતીની ઓળખ રીમા જોશી તરીકે કરવામાં આવી છે જેની હત્યા તેના જ ફિયાન્સ નિરવ થાંકીએ કરી નાખી. નિરવને શંકા હતી કે રીમાનું અન્ય કોઈ વ્યક્તિ સાથે અફેર છે. આ મામલે શનિવારે રાત્રે પોલીસે નિરવની ધરપકડ કરી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
કેસની વિગતો મુજબ બુધવારે સાંજે ઈન્દિરાનગર વિસ્તારમાં એક યુવતીની પેટ્રોલ છાંટીને અડધી સળગેલી હાલતમાં રેતીમાં દાંટેલી લાશ મળી આવી હતી. જે મામલે પોલીસે તેના ફિયાન્સ નિરવની હત્યાના ગુનામાં ધરપકડ કરી છે. નિરવે ઈલેક્ટ્રોનિકલ એન્જિનિયર છે અને તે પોરબંદરની સિમેન્ટ ફેક્ટરીમાં કામ કરે છે.
પોલીસની પૂછપરછ દરમિયાન નિરવે કબૂલ્યું હતું કે તેણે રીમાની હત્યા કરીને તેના નંબર પરથી તે પહેલાથી જ કોઈને પુરુષને પરણેલી છે તે પ્રકારનો મેસેજ તેની કઝીનને મોકલ્યો હતો. આ મેસેજમાં લખ્યું હતું, બે વર્ષ પહેલા મેં મારી પસંદના છોકરા સાથે લગ્ન કર્યા હતા. હવે હું પાછી ઘરે નહીં આવું. તમે મારા માટે મરી ગયા છો અને હું તમારા માટે.
પોરબંદર સ્પેશિયલ ઓપરેશન ગ્રુપના સબ-ઈન્સ્પેક્ટર એચ.સી ગોહિલે જણાવ્યું, નિરવે જણાવ્યું કે, તેણે મેસેજ દ્વારા રીમાનો પતિ હોવાની ખોટી સ્ટોરી ઊભી કરીને પોલીસને ભ્રમિત કરવાનો પ્રયાસ કર્યો હતો. ખોડિયાર સોસાયટીમાં રીમાના ઘર નજીક નિરવનું ટુ-વ્હીલર સીસીટીવીમાં કેદ થયા બાદ અમને તેના પર શંકા હતી.
ગોહિલે વધુમાં જણાવ્યું, અમને તે પણ જાણવા મળ્યું કે હત્યાના દિવસે રીમા અને નિરવ વચ્ચે ફોન પર વાત થઈ હતી. નિરવે પોતાનો ગુનો કબૂલ કરી લીધો છે અને જણાવ્યું કે રીમા સોશિયલ મીડિયા પર મોડી રાત સુધી ઓનલાઈન રહેતી હોવાના કારણે તેને શંકા હતી કે રીમાનું કોઈ અન્ય વ્યક્તિ સાથે અફેર ચાલી રહ્યું છે.
from Page Array – I Am Gujarat https://ift.tt/2JqzbCP
No comments:
Post a Comment