અમદાવાદઃ ડ્રાઈવિંગ ટેસ્ટ માટે લોકોએ વારંવાર ધક્કા ખાવા પડે છે અને ઓળખાણવાળાનો પહેલા નંબર લાગી જાય છે તેવી ફરિયાદોથી છૂટકારો મળશે. આગામી એક વર્ષમાં રાજ્યના આરટીઓથી ડ્રાઈવિંગ લાઈસન્સ માટેની પ્રક્રિયાને વધારે પારદર્શક બનાવવામાં આવશે. એ રીતે ડ્રાઈવિંગ ટેસ્ટ માટે કેમેરા અને ટેક્નોલોજીનો સેટઅપ ઉભો કરાશે કે કોઈ વ્યક્તિની અડચણ વગર મશીનના આધારે કામગીરી કરી શકાશે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
નવી સિસ્ટમમાં ડ્રાઈવિંગ ટેસ્ટના ટ્રેક પર સેન્સર લગાવવામાં આવશે જેથી કરીને ડ્રાઈવિંગ ટેસ્ટ ઝડપી અને પારદર્શી બનાવી શકાય. આ માટે પુણેની સેન્ટ્રલ ઈન્સ્ટિટ્યુટ ઓફ રોડ ટ્રાન્સપોર્ટ મદદરુપ થશે. આ ઈન્સ્ટિટ્યુટ ડ્રાઈવિંગ ટ્રેકની કામગીરી ઝડપી બનાવવા માટે મદદરુપ થશે.
આ સિસ્ટમમાં ડ્રાઈવિંગ ટ્રેક પર કેમેરા ગોઠવવામાં આવશે. જે વ્યક્તિ ડ્રાઈવિંગ ટેસ્ટ આપવા માટે ટ્રેક પર પહોંચશે ત્યારે કોઈ વ્યક્તિની સલાહ-સૂચનો વગર સેન્સર અને કેમેરાના આધારે ટેસ્ટ લેવાશે અને ડ્રાઈવિંગ ટેસ્ટ દરમિયાન બનેલી ગતિવિધિ રેકોર્ડ પણ થશે.
વધુ ઝડપે કાર ચલાવવાથી આવું પણ થઈ શકે છે
હ્યુમન ઈન્ટરફેન્સ (વ્યક્તિની અડચણ) વગર ડ્રાઈવિંગ ટ્રેક પર ફટાફટ કામગીરી મશીન દ્વારા થતી રહેશે. ટ્રાફિકના નિયમો અંગે સાઉન્ડ દ્વારા ટેસ્ટ માટે આવેલા ડ્રાઈવરને મળતી રહે તેવી સિસ્ટમ પણ અહીં હશે.
વ્યક્તિ પોતાની ડ્રાઈવિંગ ટેસ્ટ પૂરી કરે તે બાદ રેકોર્ડ થયેલી માહિતીની આધારે ડ્રાઈવરને પોતાની ટેસ્ટના માર્ક્સ આપવામાં આવશે. ડ્રાઈવિંગ ટેસ્ટ દરમિયાન આપેલા ડિરેક્શન્સ, ફોરવર્ડ અને રિવર્સ મૂવમેન્ટ વગેરેના આધારે માર્ક્સ મળશે, અને જો વ્યક્તિ તેમાં સફળ થશે તો ડ્રાઈવિંગ ટેસ્ટની કામગીરીમાં સફળ સાબિત થશે.
ટ્રાન્સપોર્ટ કમિશનર રાજેશ માન્ઝુએ આ પ્રક્રિયા લાગુ કરવામાં આવશે તે વાત માની છે. અધિકારીઓ પણ સ્વીકાર્યું કે આ પ્રકારની કામગીરી ડ્રાઈવિંગ ટેસ્ટની કામગીરી 30 ટકા વધારે સારી બનશે.
from Page Array – I Am Gujarat https://ift.tt/2MOZODk
No comments:
Post a Comment