અમદાવાદઃ શનિવારે જીએમડીસી ગ્રાઉન્ડ ખાતે યોજાયેલા ધાર્મિક કાર્યક્રમમાં પર્સ ચોરવાના હેતુથી એક પાકીટમારૂં ગેંગ ઘૂસી આવી હતી જેમાંથી એક શખ્સની પોલીસે ધરપકડ કરી છે. પોલીસનું કહેવું છે કે આ ધરપકડ તેમને ગેંગના બાકીના સભ્યોને ઝડપી પાડવામાં મદદ કરશે. જીએમડીસીમાં યોજાયેલા કાર્યક્રમમાં હાજર રહેનારી એક વ્યક્તિએ શનિવારે વસ્ત્રાપુર પોલીસ સ્ટેશનમાં આ મુદ્દે ફરિયાદ નોંધાવી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
જીએમડીસી ગ્રાઉન્ડના ગેટ-1 પાસે શ્રી શ્રી રવિશંકર મહારાજના કાર્યક્રમમાં સાણંદમાં રહેતા 40 વર્ષીય મિહિર પટેલ ઉપસ્થિત રહ્યા હતા. સાંજે 5 થી 6.30 કલાક માટે યોજાયેલો કાર્યક્રમ પૂરો થયા બાદ મિહિર પટેલ દીકરી સાથે પ્રસાદ માટેની લાઈનમાં ઊભા રહ્યા હતા.
અચાનક જ તેમને લાગ્યું કે તેમનું પર્સ કોઈ ખેંચી રહ્યું છે. ખિસ્સું ચેક કર્યા બાદ તેમને જાણ થઈ કે પર્સ તો મિસિંગ છે. સૌભાગ્ય રીતે, તેમણે પર્સ ચોરનારને ઓળખી કાઢ્યો અને તેને પોલીસના હવાલે કર્યો. શરૂઆતમાં તો ચોરે તેણે પર્સ ચોર્યું હોવાની વાતનો ઈનકાર કરી દીધો હતો જો કે એકબાદ એક એમ ચાર લોકોએ પોતાનું પર્સ ચોરાયું હોવાની ફરિયાદ કરી હતી.
મિહિર પટેલના પર્સમાં બે ટૂ વ્હીલરની RC બૂક, BRTS જનમિત્ર કાર્ડ, આધાર કાર્ડ અને 1100 રૂપિયા જેટલી રોકડ રકમ હતી. જ્યારે ચોરને પોલીસના હવાલે કરવામાં આવ્યો ત્યારે તેણે પોતાની ગેંગના એક સભ્યને ફોન કર્યો હતો જેણે પટેલના પર્સને હેલમેટ ચાર રસ્તા બસ સ્ટેન્ડ પાસે ફેંકી દીધું હતું.
જો કે, ઝડપાયેલા ચોરે દાવો કર્યો હતો તેણે બાકીના લોકોના પર્સ તેણે ચોરી કર્યા નથી તેથી બની શકે કે તેની ગેંગના બાકીના સભ્યોએ આ કામ કર્યું હોય. પટેલને પોતાનું પર્સ મળી ગયું હોવા છતાં તેણે બાકીના ચાર પીડિતો ધવલ પટેલ, ભરત ચૌધરી, અનુજ કુમાર મોદી અને મહેશ દેસાઈ વતી ફરિયાદ નોંધાવી હતી. આ ચારેયે ભેગા મળીને કુલ 16,800 રૂપિયા અને જરૂરી ડોક્યુમેન્ટ ગુમાવ્યા છે.
from Page Array – I Am Gujarat https://ift.tt/2Whn6VJ
No comments:
Post a Comment