આ શખ્સે ખરીદ્યું દુનિયાનું સૌથી મોંઘું પાર્કિંગ, આટલી કિંમતે તો આલિશાન બંગલો બની જાય

આજકાલ તમે કોઈ મોંઘી સ્કીમમાં ઘર ખરીદો તો તમારે પાર્કિંગ સ્પેસ માટે પણ રૂપિયા ચૂકવવાના હોય છે. સ્કીમ મુજબ પાર્કિંગ સ્પેસના રૂપિયા અલગ-અલગ હોય છે. પરંતુ એક આલિશાન બંગલો બની જાય તેટલા રૂપિયા પાર્કિંગ સ્પેસના ચૂકવવા પડે તેવો કિસ્સો નહીં સાંભળ્યો હોય! હોંગકોંગમાં દુનિયાનું સૌથી મોંઘું પાર્કિંગ સ્પોટ આવેલું છે. અહીં એક પાર્કિંગ પ્લોટ કરોડોમાં વેચાયો છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

રિપોર્ટ પ્રમાણે, હોંગકોંગમાં પાર્કિંગ સ્પેસ માટે એક બિઝનેસમેને 6.9 કરોડ રૂપિયા ચૂકવ્યા છે. અને હવે આ જગ્યા દુનિયાની સૌથી મોંઘી પાર્કિંગ સ્પોટ બની છે. રિપોર્ટ મુજબ, આ જગ્યા લોજિસ્ટિક ટાયકૂન Johnny Cheungનું હતું. તેમની ઓફિસ નજીકના બિલ્ડિંગમાં 73મા માળે છે.

મીડિયા રિપોર્ટ્સ મુજબ, આ પાર્કિંગ સ્પોટની સાઈઝ 135 સ્ક્વેર ફીટ છે. જો કે, આ પાર્કિંગ કોણે ખરીદ્યું છે તેનું નામ જાહેર કરવામાં આવ્યું નથી. જણાવી દઈએ કે, હોંગકોંગમાં જગ્યાની અછત છે અને આ જ કારણે ત્યાં પ્રોપર્ટીના ભાવ ચાર ગણા વધી ગયા છે.

જણાવી દઈએ કે, હોંગકોંગમાં ગયા વર્ષે એક પાર્કિંગ સ્પોટ 5 કરોડ રૂપિયામાં વેચાયું હતું. રિપોર્ટ મુજબ, 150 સ્ક્વેર ફૂટનું પાર્કિંગ 5,08,78,200 રૂપિયામાં વેચાયું હતું. આ સિવાય 2017માં હોંગકોંગમાં જ 188 સ્ક્વેર ફૂટની પાર્કિંગની જગ્યા આશરે 4 કરોડ રૂપિયામાં વેચાઈ હતી.

from Page Array – I Am Gujarat https://ift.tt/32OImoc