હવે ટીવી જોવા માટે DTH ગ્રાહકોને ફરજિયાત KYC કરાવવું પડશે

નવી દિલ્હીઃ ટેલિકોમ રેગ્યુલેટરી ઓથોરિટી ઓફ ઈન્ડિયાએ આ વર્ષની શરૂઆતમાં નવા ડીટીએચ ટૈરિફ નિયમોને લાગૂ કરી દીધા છે. આ બાદથી ડીટીએચ અને કેબલ ટીવી ઈન્ડસ્ટ્રીમાં ઘણા ફેરફાર જોવા મળી રહ્યા છે. નવા નિયમો લાગુ થયાબાદ સબ્સ્ક્રાઈબર્સની ફરિયાદ છે કે ટીવી જોવું હવે તેમના માટે મોંઘુ થઈ ગયું છે. ટ્રાઈએ સબ્સ્ક્રાઈબર્સની આ પરેશાની દૂર કરવા માટે એક મહત્વપૂર્ણ પલગું ઉઠાવવું શરૂ કરી દીધું છે. આ સાથે ટ્રાઈ એક વધુ નવો નિયમ લઈને આવ્યું છે જેમાં દરેક ડીટીએચ સબ્સ્ક્રાઈબર્સ માટે KYC અનિવાર્ય કરી દેવામાં આવ્યું છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

ટ્રાઈએ દેશના બધા ડીટીએચ ઓપરેટર્સને કહ્યું છે કે તેમણે હવે પોતાના સબ્સ્ક્રાઈબર્સનું KYC કરવાનું અનિવાર્ય હશે. ટ્રાઈનો નવો નિયમ હાલના અને નવા ડીટીએચ સબ્સ્ક્રાઈબર્સ બંને માટે લાગુ રહેશે. આ KYC પ્રક્રિયા નવું સિમ કાર્ડ લેવા પર કરાતી પ્રક્રિયા જેવી જ હશે. હવે નવું કનેક્શન લેનારા સબ્સ્ક્રાબર્સને પહેલા KYC કરાવવું પડશે. આ પ્રક્રિયા ખતમ થયા બાદ નવું ડિટીએચ કનેક્શન સાથે મળતું સેટ-ટોપ બોક્સ ઈન્સ્ટોલ કરવામાં આવશે. હાલના ગ્રાહકોને KYC કરાવવા માટે 2 વર્ષનો સમય અપાયો છે.

KYCના નિયમ સાથે જોડાયેલી કેટલીક ખાસ બાબતો

1. ડીટીએચ સબ્સ્ક્રાઈબર્સ માટે KYC અનિવાર્ય કરવા માટે પાછલા કેટલાક સમયથી વાતચીત ચાલી રહી હતી. તેને ઈન્ડસ્ટ્રીના સ્ટેકહોલ્ડર્સ દ્વારા સહમતિ મળ્યા બાદ લાગુ કરાયું છે.
2. હવે ડીટીએચ રિપ્રેઝેન્ટેટિવને નવું કનેક્શન ઈન્સ્ટોલ કરતા પહેલા સબ્સ્ક્રાઈબરનું KYC કરવું પડશે. આ પ્રક્રિયા ખતમ થયા બાદ નવું સેટ-ટોપ બોક્સ કામ કરવાનું શરૂ થશે. હવે ડીટીએચ સેટ-ટોપ બોક્સ તે જ એડ્રેસ પર લગાવી અને ઈન્સ્ટોલ કરાશે જે એડ્રેસ કનેક્શનને એપ્લિકેશન ફોર્મમાં લખ્યું હશે.
3. સબ્સ્ક્રાઈબરની ઓળખ માટે ડીટીએચ ઓપરેટર રજીસ્ટર્ડ મોબાઈલ નંબર પર ઓટીપી મોકલી વેરિફાઈ કરી શકશે. ઓટીપી વેરિફાય થયાબાદ સેટ-ટોપ બોક્સના ઈન્સ્ટોલેશનની પ્રક્રિયા શરૂ થશે.
4. જો કોઈ સબ્સ્ક્રાઈબર પાસે મોબાઈલ ફોન નથી તો તેને આઈડેન્ટિટીપ્રૂફ જમા કરાવવું પડશે. હાલના જે સબ્સ્ક્રાઈર્સનો મોબાઈલ ડીટીએચ સાથે લિંક નથી તેમણે 2 વર્ષની અંદર આ કામ કરાવવું પડશે.
5. ટ્રાઈ ઓપરેટર્સ સબ્સ્ક્રાઈબર્સના વેરિફિકેશન ડોક્યુમેન્ટ્સને કલેક્ટ કરવાની છૂટ આપે છે. પરંતુ સેટ-ટોપ બોક્સ સાથે તેમણે સબ્સ્ક્રાઈબર્સના લોકેશન ડેટા લેવાનો ઈનકાર છે.

from Page Array – I Am Gujarat https://ift.tt/2BMi8Xn