અમદાવાદઃ દેવાના બોજ હેઠળ દબાયેલી જેટ એરવેઝને આ વર્ષે એપ્રિલ મહિનાના અંતમાં બંધ કરવાનો નિર્ણય કંપની મેનેજમેન્ટ દ્વારા કરાયો હતો. બે દાયકા જૂની જેટ એવરેઝ બંધ થતા હજારો લોકોની નોકરી તો છીનવાઈ આ સાથે જ ફ્લાઈટ માટે ટિકીટ બૂક કરાવનારા લોકોના પણ પૈસા અટવાઈ પડ્યા છે. અમદાવાદના વેપારી જિનલ શાહે એપ્રિલ 2019ના અંતમાં પરિવાર સાથે લગ્નમાં જવા માટે અમદાવાદથી લંડનની ફ્લાઈટ બૂક કરાવી હતી. આ માટે તેમણે જેટ એવરેઝમાં ડિસેમ્બર 2018માં 3.5 લાખ રૂપિયા આપી બુકિંગ કરાવ્યું હતું. જોકે એરલાઈને આ વર્ષે એપ્રિલના મધ્યમાં પોતાનું કામકાજ બંધ કરી દીધું. આ બાદ શાહને ઉંચી કિંમતે અન્ય ફ્લાઈટમાં ટિકીટ ખરીદીને લંડન જવું પડ્યું. જોકે હજુ સુધી તેમને એરલાઈન્સ તરફથી કોઈ રિફંડ મળ્યું નથી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ વિશે જિનલ શાહ કહે છે, મેં ઓનલાઈન ટ્રાવેલ બુકિંગ વેબસાઈટ દ્વારા ટિકિટ બૂક કરાવી હતી. હવે હું પોર્ટલ અને એરલાઈન વચ્ચે આમથી તેમ ફરી રહ્યો છું. જો એરલાઈન નાણાંકીય સંકટોમાં ઘેરાયેલી હોય તો પહેલાથી તેણે બુકિંગ્સ ન લેવા જોઈએ.
માત્ર જિનલ શાહ જ નહીં અમદાવાદથી ઘણા યાત્રીઓએ જેટ એરવેઝમાં ઈન્ટરનેશનલ ફ્લાઈટ્સ બૂક કરાવી હતી અને હજુ સુધી તેમને કોઈ રિફંડ મળ્યું નથી. શહેરની એક ડિઝાઈન ઈન્સ્ટીટ્યૂટમાં કામ કરતા ગૌરી વાગેનારે જુલાઈમાં અમદાવાદથી એમસ્ટરડમ જવા ટ્રાવેલ એજન્ટ મારફતે જાન્યુઆરીમાં 29,000 રૂપિયા આપીને ટિકિટ બૂક કરાવી હતી. જોકે હજુ સુધી તેમને એરલાઈન તરફથી રીફન્ડ મળ્યું નથી. વારંવાર ઈન્કવાયરી કરવા છતાં ત્યાંથી કોઈ પ્રકારનો રિસ્પોન્સ મળી રહ્યો નથી.
પેસેન્જર્સ માત્ર ફ્લાઈટના રિફંડ માટે જ રાહ નથી જોઈ રહ્યા. કેટલાક એવા પણ લોકો છે જેમણે એરલાઈન્સ પાસેથી પ્રીવિલેજ કાર્ડ્સ લીધા હતા. શહેરના એક વેપારી રાજવીર જાડેજાએ કહ્યું, હું જેટ એરવેઝમાં પાછલા 15 વર્ષોથી ટ્રાવેલ કરતો હતો અને પ્રીવિલેજ કાર્ડ્સ માટે હું વર્ષે 15000 રૂપિયા ચૂકવતો. પરંતુ પાછલા બે વર્ષોથી મને ટિકિટ કે અન્ય કોઈ બાબતે એરલાઈન્સ તરફથી કોઈ લાભ કે ડિસ્કાઉન્ટ મળ્યા નથી. ઘણીવાર પૂછવા છતાં એરલાઈન તરફથી કોઈ સારો રિસ્પોન્સ મળ્યો નથી.
કેટલાક એજન્ટ્સ પણ પેસેન્જર્સ માટે બુકિંગ કર્યા બાદ રિફંડની રાહ જોઈ રહ્યા છે. ટ્રાવેલ એજન્ટ્સ ફેડરેશન ઓફ ઈન્ડિયા- ગુજરાતના સેક્રેટરી મનિશ શર્માએ કહ્યું, ઘણા ટૂર ઓપરેટર્સ રિફન્ડની રાહ જોઈ રહ્યા છે, આ પ્રક્રિયા હજુ પ્રોસેસમાં છે અને તે ગ્રાહકોને આપી શકતા નથી. ડિરેક્ટરેટ જનરલ ઓફ સિવિલ એવિએશન આ મામલે દખલ આપીને એરલાઈનને પેસેન્જર્સને રિફન્ડ આપવા માટે દબાણ કરે તે સમય આવી ગયો છે.
from Page Array – I Am Gujarat https://ift.tt/2qheHGi
No comments:
Post a Comment