વડોદરા: આજવા સરોવર પાસે બનેલા અતાપી વન્ડરલેન્ડ થીમ પાર્કને વડોદરા મ્યુનિસિપલ કોર્પોરેશને (VMC) પાણીના વપરાશ માટે 86.4 લાખ રૂપિયાનું બિલ ફટકાર્યું છે. શહેરના કેટલાક વિસ્તારોમાં પાણીનો પુરવઠો ઓછો મળતો હોવાની ફરિયાદ ઉઠ્યા બાદ પાણી પુરવઠા મુદ્દે મીટિંગ યોજાઈ હતી. પાણીના પુરવઠાની સમસ્યાનો ઉકેલ લાવવા એક ટીમની રચના કરવામાં આવી હતી તેમણે જ અતાપી થીમ પાર્કે આજવાની પાઈપલાઈનમાંથી કનેક્શન લીધું હોવાની વાત જણાવી. VMCએ આ મહિનાની શરૂઆતમાં થીમ પાર્કને નોટિસ આપી હતી.
નર્મદા અને અર્બન હાઉસિંગના રાજ્યકક્ષાના મંત્રી યોગેશ પટેલે આ મુદ્દો મુખ્યમંત્રી સમક્ષ મૂક્યો છે. વડોદરા મ્યુનિસિપલ કોર્પોરેશને થીમ પાર્કને માત્ર ગાર્ડનની જાળવણી માટે મફતમાં પાણી લેવાની મંજૂરી આપી હતી. પરંતુ તેમ ના થતાં કોર્પોરેશને અતાપી થીમ પાર્કને બિલ આપ્યું છે. VMCનું આજવા ગાર્ડન છે ત્યાં જ આ થીમ પાર્ક આવેલું છે.
થીમ પાર્કને VMCએ પાઠવેલા પત્રમાં ઉલ્લેખ છે કે, કોમર્શિયલ વપરાશ માટે પાણી તે જ કનેક્શનમાંથી લેવામાં આવી રહ્યું છે. સૂત્રોના જણાવ્યા પ્રમાણે, કોમર્શિયલ વપરાશ માટે અડધું પાણી વાપરવામાં આવતું હતું. ત્યારે કોર્પોરેશને એ પ્રમાણે વપરાયેલા પાણીનું બિલ થીમ પાર્કને પકડાયું. સાથે જ થીમ પાર્ક પાસેથી દંડ વસૂલવામાં આવ્યો એટલે જ બિલની રકમ 86.4 લાખ સુધી પહોંચી.
from Page Array – I Am Gujarat https://ift.tt/37avYBq
No comments:
Post a Comment