અમદાવાદઃ એક સમય એવો હતો જ્યારે મહિલાઓ ઘરની ચાર દિવાલની અંદર જ સમાઈને રહી જતી હતી જ્યારે આજે મહિલાઓ દરેક ક્ષેત્રમાં પોતાના નામનો ડંકો વગાડી રહી છે. ભરુલતા પટેલ કામ્બલે કે જે મૂળ ગુજરાતી છે તે પણ આમાંથી એક છે. તેમણે લંડનથી આર્કટિક સર્કલના નોર્ડકેપ અને ત્યાંથી ફરી લંડન સુધી કુલ 9 હજાર કિમીનું અંતર માત્ર 9 દિવસમાં સોલો ડ્રાઈવ કરીને પૂરુ કર્યું છે. તેમણે આ ટ્રીપ 91 કલાકમાં પૂરી કરીને નવો રેકોર્ડ સ્થાપિત કર્યો છે. આ પહેલા પાંચ મહિલાઓના ગ્રુપે આવી ટ્રીપ કરી હતી જે માટે તેમણે 95 કલાકનો સમય લીધો હતો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
ભારુલતા મૂળ ગુજરાતના છે અને કેન્સર સર્વાઈવર છે. તેમણે આ ટ્રીપ 12 નવેમ્બરના બપોરે પૂરી કરી હતી.
‘આ મારા માટે એક મોટો પડકાર હતો. પ્રથમ અને મુખ્ય પ્રતિકૂળ હવામાન, તાપમાન -40 ડિગ્રી સેલ્સિઅસ સુધી નીચે જતું રહેવું. કેટલાક કલાકો સુધી રોડ બંધ રહેવાના કારણે, રસ્તામાં પાવર નેપની સાથે સતત 24 કલાક ડ્રાઈવ કરવા સિવાય મારે પાસે બીજો કોઈ વિકલ્પ નહોતો’ તેમ ભારુલતાએ કહ્યું.
તેમણે વધુમાં જણાવ્યું કે, બરફ પથરાયેલા રસ્તા પર કેવી રીતે કાર ડ્રાઈવ કરવી, ખરાબ વાતાવરણમાં કારનું મેન્ટનન્સ અને પ્રાથમિક સારવાર અંગે તેમણે શીખ્યું. તેઓ એકલા ડ્રાઈવ કરી રહ્યા હોવાથી, તેમણે હાઈપોથર્મીયાનો કોર્ષ પણ લીધો હતો. તેમને કારના કાચ પર અને હેડલાઈટ્સ પર જામી ગયેલો બરફ પર સાફ કરવો પડતો હતો. તેમણે પોતાની કારમાં ગરમ ધાબળા પણ રાખ્યા હતા.
તેમણે આર્કટિક સર્કલની અંદર પણ 900 કિમી કવર કર્યું હતું. ‘આ મારા માટે એક પડકાર હતો પરંતુ હું બીજાને પ્રોત્સાહિત કરવા માટે આ કરવા ઈચ્છતી હતી અને દુનિયાને જણાવવા ઈચ્છતી હતી કે કેન્સર એ મૃત્યુની સજા નથી. હું ભારતીય મહિલાઓમાં ગાયનેક કેન્સર વિશે જાગરુકતા ફેલાવવા માગુ છું’.
ભારુલતા આ પહેલા લંડનથી 32 દેશોનો પ્રવાસ કરીને ભારત પહોંચ્યા હતા. જે માટે તેમણે 35,383 કિમીનું અંતર 57 દિવસમાં પૂરુ કર્યું હતું.
લાહૌલ અને સ્પીતિમાં પડ્યો બરફ, જુઓ નયનરમ્ય દ્રશ્યો
from Page Array – I Am Gujarat https://ift.tt/2qb2WBe
No comments:
Post a Comment