વડોદરાઃ વડોદરાના પાદરા તાલુકાના વડુમાં સ્વરા પેથોલોજી લેબોરેટરીમાં ફેક મેડિકલ ટેસ્ટ રિપોર્ટ તૈયાર કરનારા જૈમિન શાહની હજુ પણ ધરપકડ થઈ શકી નથી. જો કે પોલીસને શંકા છે કે આ કૌભાંડ દેખાય તેના કરતા અનેકગણું વિશાળ છે. સરકારના આરોગ્ય ખાતાએ ગુજરાત મેડિકલ પ્રેક્ટિસ એક્ટ અંતર્ગત શાહ સામે છેતરપિંડી, જીવન જોખમમાં મૂકવાની ફરિયાદ નોંધાવતા પોલીસે FIR દાખલ કરી છે.
હવે ટેલિગ્રામ પર મેળવો દરેક મહત્વના સમાચાર, શરૂ કરવા અહીં ક્લિક કરો
ગુજરાતના આરોગ્ય ખાતાએ આ રિપોર્ટ પર મહોર મારનારા ડો. સુનિલ સુર્વેનું સ્ટેટમેન્ટ લીધા બાદ આ ફરિયાદ દાખલ કરી છે. ડો. સુર્વેએ પેથોલોજી સાથે કોઈ લેવા-દેવા ન હોવાનો દાવો કર્યો છે. વડુ પોલીસ સ્ટેશનના સબ ઈન્સપેક્ટર જે.એ બારોટના જણાવ્યા મુજબ, “અમે શાહ અને આ કૌભાંડમાં સંડોવાયેલા તમામ સામે પુરાવા એકત્રિત કરી રહ્યા છે. હેલ્થ ડિપાર્ટમેન્ટે શાહ અને ડો. સુર્વેના સ્ટેટમેન્ટ લીધા છે. તેના આધારે FIR નોંધાઈ છે.” બારોટે એમ પણ જણાવ્યું કે જરૂર પડશે તો તે શાહ અને સુર્વેને ફરી સ્ટેટમેન્ટ્સ માટે બોલાવશે.
અત્યાર સુધીની તપાસમાં પોલીસને સીલ કરેલી લેબના પેપર્સ મળ્યા છે. મનાઈ રહ્યું છે કે આ પેપર્સ ડો. સુર્વેએ સાઈન કર્યા હતા. પોલીસે કહ્યું કે તેમને ડો. સુર્વે સામે મજબૂત પુરાવા મળશે તો તે સુર્વેને પણ આ કેસમાં આરોપી બનાવશે અને ધરપકડ કરશે. પોલીસે સુર્વેને સોમવારે ફરી સ્ટેટમેન્ટ આપવા બોલાવ્યા છે. પોલીસને શંકા છે કે આ કૌભાંડમાં વધારે લોકો સંડોવાયેલા છે.
ઉલ્લેખનીય છે કે ડોક્ટર અને લેબોરેટરી વચ્ચે ડોક્ટરના કહેવા પ્રમાણેના રિપોર્ટ્સ તૈયાર કરી આપવાની વાતચીતની ઑડિયો ક્લિપ વાયરલ થયા બાદ 11 નવેમ્બરે લેબને સીલ કરવામાં આવી હતી. વાયરલ ઓડિયો ક્લિપમાં કૉલર પોતાની ઓળખાણ સચિન જોશી તરીકેની આપે છે. તે ડોક્ટરને કહે છે, “તમે એવું ઈચ્છો કે બ્લડ રિપોર્ટ મેલેરિયા, ટાઈફોડ કે કોઈપણ રોગ બતાવતો હોય તો હું એ તમને તૈયાર કરી આપીશ.” તેણે ડોક્ટરને 40 ટકા કમિશન આપવાનું પણ વચન આપ્યું હતું.
14 નવેમ્બરે શાહ પોતે આરોગ્ય ખાતા સામે હાજર થયો હતો અને હેલ્થ ડિપાર્ટમેન્ટને પોતાનું સ્ટેટમેન્ટ આપ્યું હતું. એમાં તેણે સુર્વેનું નામ લીધું હતું. વીકેન્ડમાં સુર્વેના સ્ટેટમેન્ટ લીધા હતા જેમાં તેમણે આ સમગ્ર મામલામાં સંડોવણીનો ઈનકાર કરી દીધો હતો.
from Page Array – I Am Gujarat https://ift.tt/2qbcR9T
No comments:
Post a Comment