સચિન દવે
મુંબઈ:જીએસટીની સામે જે રિયલ્ટી ડેવલપર્સે અગાઉની ટેક્સ સિસ્ટમ પ્રમાણે ચુકવણી સરભર કરી હતી તેમને ઇનડાયરેક્ટ ટેક્સ વિભાગે નોટિસ મોકલીને ટેક્સની માંગણી કરી છે. ટેક્સ ડિપાર્ટમેન્ટે રિયલ્ટી ડેવલપર્સને ટ્રાન્ઝિશન ક્રેડિટ તરીકે ક્લેમ કરવામાં આવેલું ક્રેડિટ રિવર્સ કરવાની માંગણી કરી છે.
ગણા રિયલ એસ્ટેટ ડેવલપર્સે અંડર કન્સ્ટ્રક્શન એપાર્ટમેન્ટ માટે ટ્રાન્ઝિશન ક્રેડિટ ક્લેમ કરી હતી અને તેને સ્ટોક અથવા ઇન્વેન્ટરી ગણાવી હતી. ટેક્સ ડિપાર્ટમેન્ટે હવે આવા ક્લેમને અયોગ્ય ગણાવીને તેના માટે ટેક્સ નોટિસ ફટકારી છે. અમુક ટોચના રિયલ્ટી પ્લેયર્સ માટે ટેક્સની જવાબદારી સેંકડો કરોડો રૂપિયાની હશે.
રિયલ એસ્ટેટ ડેવલપર્સે સેલ્સ ટેક્સ તથા જીએસટી અગાઉ ખરીદવામાં આવેલા સિમેન્ટ અને સ્ટીલ જેવી સામગ્રી પરના પરોક્ષ વેરાની ચુકવણી કરી હતી. ઘણી રિયલ્ટી
કંપનીઓને આશા હતી કે તેઓ જ્યારે એપાર્ટમેન્ટનું વેચાણ કરશે ત્યારે આ ટેક્સ ગ્રાહકો પર લાદી શકશે. તેમણે ટ્રાન્ઝિશન ક્રેડિટ મિકેનિઝમ હેઠળ તેના માટે ક્લેમ પણ કર્યા હતા.
ઇએલપીના પાર્ટનર રોહિત જૈને જણાવ્યું કે, “ઘણા રિયલ એસ્ટેટ ડેવલપર્સે અગાઉની ટેક્સ સિસ્ટમ પ્રમાણે મટિરિયલ પર ટેક્સ ચૂકવ્યો હતો અને જીએસટી હેઠળ ટ્રાન્ઝિશન ક્રેડિટનો ક્લેમ કર્યો હતો. ટેક્સ સત્તાવાળાઓ આવી ક્રેડિટને નકારી કાઢે છે કારણ કે આ સામગ્રી વણવેચાયેલા એપાર્ટમેન્ટમાં પહેલેથી ઉપયોગમાં લેવાઈ છે. જોકે, એક વખત આવી વણવેચાયેલી ઇન્વેન્ટરી પર જીએસટી ચૂકવાઈ જાય ત્યાર પછી ક્રેડિટની છૂટ મળવી જોઈએ.”
ઉદ્યોગના જાણકારોએ કહ્યું કે ઘણા રિયલ એસ્ટેટ ડેવલપર્સ સામે ઈનપુટ ટેક્સ ક્રેડિટની સ્ક્રુટિની શરૂ થવાની શક્યતા છે.
from Page Array – I Am Gujarat https://ift.tt/35mzirA
No comments:
Post a Comment