અભિમન્યુ શિતોલે, નવી દિલ્હી/મુંબઈઃ મહારારાષ્ટ્રમાં બેઠકોના દોર વચ્ચે આજે મોટી જાહેરાત થવાની સંભાવના વ્યક્ત કરવામાં આવી રહી છે. બુધવારે એનસીપી અને કોંગ્રેસના નેતાઓ વચ્ચે મેરેથોન બેઠક ચાલી. આ બેઠક બાદ બન્ને પક્ષના નેતાઓ જલદી સરકાર બનાવવાની વાત કરી છે. જોકે, સરકાર બનાવવા પર મુખ્ય એજન્ડા શું હશે તે અંગે કોઈ જાણકારી નથી મળી, પણ સૂત્રનું કહેવું છે કેસીએમ પદ શિવસેના અને એનસીપી વચ્ચે કરાર કરવામાં આવી આવી શકે છે જેમાં વારાફરથી દરેક પાર્ટીના મુખ્યમંત્રી હોઈ શકે છે. બેઠક અંગે જાણકારી રાખનારા સૂત્રોનું માનવું છે કે કોમન મિનિમમ પ્રોગ્રામ પણ ફાઈનલ થઈ ગયો છે. જેના પર અંતિંમ મોહર મારવાની વાર છે. આજે મુંબઈમાં શિવસેના, એનસીપી અને કોંગ્રેસ વચ્ચે બેઠક થશે, જે બાદ ગઠબંધનની જાહેરાત કરવામાં આવી શકે છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
આ કારણે સોનિયા ગાંધીએ વિચારો બદલ્યા?
સૂત્રોનું માનવું છે કે શિવસેનાને સમર્થન આપવાની અસમંજસ વચ્ચે કોંગ્રેસ અધ્યક્ષ સોનિયા ગાંધીએ અચાનક પોતાના વિચાર બદલ્યા છે. કહેવાય છે કે સોનિયા ગાંધી પહેલા એનસીપી પ્રમુખ તરફથી આ મામલે આશ્વસ્ત થવા માગતા હતા. આ સિવાય જ્યારે વૈચારિક વિરોધ શિવસેનાને સમર્થન આપવાની વાત આવી તો પાર્ટીએ ઘણાં સિનિયર નેતાઓ સાથે લાંબી ચર્ચા કરી. સૂત્રોનું કહેવું છે કે આ ચર્ચામાં રાજસ્થાનના મુખ્યમંત્રી અશોક ગહેલોત અને મધ્યપ્રદેશના મુખ્યમંત્રી કમલનાથ સાથે થયેલી વાતચીત કારગત સાબિત થઈ છે. સૂત્રોનું માનીએ તો નેતાઓએ સોનિયા ગાંધી સામે દલીલ કરી કે મહારાષ્ટ્રમાં કોંગ્રેસ ચોથા સ્થાન પર આવી ગઈ છે. જો સરકાર બનાવવામાં નહીં આવે તો આગામી ચૂંટણીમાં સ્થિતિ વધારે ખતરનાક બની શકે છે. એવામાં વિચારધારા બચાવી રાખવા માટે પાર્ટીને બચાવી રાખવી જરુરી છે.
કોમન મિનિમમ પ્રોગ્રામ પર પણ ચર્ચા
એનસીપી પ્રવક્તા મલિકે કહ્યું, “વૈકલ્પિક સરકાર બનાવવા માટે ઘણાં મુદ્દાઓ પર ચર્ચા કરાઈ. ચર્ચા હજુ ચાલશે. ત્રણે પાર્ટીઓ સાથે આવ્યા વગર સરકાર બની શકે તેમ નથી.” તેમણે કહ્યું, “સરકાર અમે જલદી બનાવવા જઈ રહ્યા છીએ. અમે જલદી નિર્ણય અંગે જાહેરાત કરીશું.” સૂત્રોના જણાવ્યા પ્રમાણે પવારના નિવાસસ્થાન પર થયેલી બેઠકમાં મહારાષ્ટ્રમાં સરકાર રચના સાથે જોડાયેલી રુપરેખા અને કોમન મિનિમમ પ્રોગ્રામના વિવિધ મુદ્દા પર ચર્ચા કરવામાં આવી.
(એજન્સી ઈનપુટ સાથે)
from Page Array – I Am Gujarat https://ift.tt/2O5OMdt
No comments:
Post a Comment