અમદાવાદના આ વિસ્તારોમાં દિલ્હી જેવું પ્રદૂષણ, સરકારની લોકોને ઘરમાં જ રહેવા સલાહ

અમદાવાદઃ જો તમે રવિવારે પરીવાર સાથે બહાર ફરવા નીકળ્યા હોવ અને સેટેલાઇટ, બોપલ કે પછી ગાંધીનગરના ગિફ્ટી સિટી વિસ્તારમાં હોવ તો શ્વાસ લેવામાં તકલીફ કે નાક-ગળાની બળતરા થાય તો જરા પર ચોકી જવા જેવું નથી. વાયુ પ્રદૂષણની દ્રષ્ટીએ અમદાવાદના આ વિસ્તારો તો દિલ્હીને પણ ટક્કર મારે તેવા છે.

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

રવિવારે અહીંની હવામાં 2.5 માઇક્રોમીટર પાર્ટિકલ્સ પ્રદૂષણ નોંધાયું હતું જેમાં બાંધકામના કારણે ધૂળના રજકણ, ગાડીઓનો ધુમાડો, પિરાણા ડમ્પ યાર્ડનો ટોક્સિક ગેસ બધુ ભળીને હવામાં એવું ઝેર બનાવે છે કે શિયાળામાં તમે જો આ વિસ્તારમાં વોક પર નીકળો તો આરોગ્ય નહીં પણ બીમારીને આમંત્રણ આપી આવો છો.

 

અમદાવાદ-ગાંધીનગરના આ ત્રણ વિસ્તારોમાં એર ઇન્ડેક્સ પર ‘poor’ અને ‘very poor’ માર્ક દેખાડતો હતો. શહેરનો કચરાનો ડુંગર પિરાણા તો દર વર્ષે એર ક્વોલિટી ઇન્ડેક્સમાં 301નો સ્કોર કરે જ છે. જે આંકડો કેન્દ્ર સરકારની રિયલ ટાઇમ સિસ્ટમ ઓફ એર ક્વોલિટી એન્ડ વેધર ફોરકાસ્ટિંગ(સફર) મુજબ ખૂબ જ ખરાબ હવા હોવાનું સુચવે છે.

જ્યારે બોપલ, સેટેલાઇટ અને ગાંધીનગરમાં ગિફ્ટ સિટીમાં ક્રમશઃ 226, 217 અને 210 આંક આ સિસ્ટમ પર જોવા મળે છે. જેથી સરકારની આ એર મોનિટરિંગ સિસ્ટમ દ્વારા આ વિસ્તારોમાં રહેતા હૃદયરોગ, ફેંફસાના રોગના દર્દીઓ, નાના બાળકો તેમજ વૃદ્ધોને જરુરિયાત ન હોય ત્યાં સુધી બહાર ન નીકળવા અને ઘરની અંદર જ રહેવા માટે સલાહ આપવામાં આવી છે.

કેન્દ્ર સરકારની આ મોનિટરીંગ સિસ્ટમમાં એવું ધારવામાં આવ્યું છે કે આગામી સમયમાં આ સ્થિતિ વધુ ખરાબ થાય તેવી વકી દર્શાવવામાં આવી છે. ત્યારે હવે અમદાવાદ પણ દિલ્હીથી ઓછું પ્રદૂષિત નથી.

Video: ફરી બિનસચિવાયલની પરીક્ષા વિવાદોમાં

from Page Array – I Am Gujarat https://ift.tt/2Olbqh1