બિલ્ડર્સ NCRમાં શુદ્ધ હવાના નામે લક્ઝરી ઘર વેચશે

72162826

ઐઝાન હૈદર

નવી દિલ્હી: નેશનલ કેપિટલ રિજન (NCR)ના લક્ઝરી હાઉસિંગ સેગમેન્ટે રહેવાસીઓને શુદ્ધ હવા પૂરી પાડવા પર ધ્યાન કેન્દ્રિત કર્યું છે કારણ કે, આ વિસ્તારમાં ઘણીવાર હવાની ગુણવત્તા ‘ઝેરી’ કેટેગરીમાં પહોંચી જાય છે. કેટલાક રિયલ એસ્ટેટ ડેવલપર્સે તેમની સ્કીમમાં હરિયાળી ધરાવતી ખુલ્લી જગ્યા રાખવા સિવાય સેન્ટ્રલાઇઝ્ડ એર પ્યોરિફાયર સિસ્ટમ્સ ઇન્સ્ટોલ કરવાનું શરૂ કર્યું છે, જેથી ઘરની અંદર પણ શુદ્ધ હવા મળી રહે.

દેશની અગ્રણી રિયલ એસ્ટેટ કંપની DLFએ ભારતનાં સૌથી મોંઘા ગણાતા રેસિડેન્શિયલ વિસ્તારો પૈકીના એક DLF5’sમાં શરૂ કરેલી તેની તાજી લક્ઝરી સ્કીમ ધી
કેમેલિયાસમાં ઈનડોર એર ક્વોલિટી સુધારવા માટે TFAs (ટ્રીટેડ ફ્રેશ એર યુનિટ્સ) ઇન્સ્ટોલ કર્યા છે.

“TFAsને કારણે બહારથી આવતી હવા જ્યારે ઘરની અંદર પ્રવેશે ત્યારે તે શુદ્ધ હોય અને આવી રીતે ઘરની અંદર પ્રીમિયમ એર ક્વોલિટી જળવાઈ રહે તેમજ ઇચ્છા પ્રમાણે તાપમાન પણ જાળવી શકાય છે. અમારી ધી કેસેલિયાસ સ્કીમ પ્રથમ રેસિડેન્શિયલ પ્રોજેક્ટ છે જેને ઇન્ડિયન ગ્રીન બિલ્ડિંગ કાઉન્સિલનું LEED (લીડરશિપ ઈન એનર્જી એન્ડ એન્વાયર્મેન્ટલ ડિઝાઇન) પ્લેટિનમ કોર સર્ટિફિકેશન મળેલું છે.” એમ DLFના એક્ઝિક્યુટિવે જણાવ્યું હતું. DLFના આ પ્રોજેક્ટમાં 429 યુનિટ છે. એક યુનિટ 7,350 ચો ફૂટથી લઈને 16,000 ચો ફૂટ વિસ્તાર ધરાવે છે. એક ઘરની કિંમત ₹64 કરોડથી વધારે છે.

હોંગકોંગ સ્થિત રિસલેન્ડ દ્વારા દક્ષિણ દિલ્હીના ચત્તારપુરમાં પ્રથમ રેસિડેન્શિયલ પ્રોજેક્ટ સ્કાય મેન્શન શરૂ કરવામાં આવ્યો છે જેમાં પણ ઈનડોર એર ફિલ્ટર કરવાની સિસ્ટમ હશે. આ સ્કીમમાં કંપનીએ બે સેન્ટ્રલાઇઝ્ડ 120 CFM (ક્યુબિક ફીટ પર મિનિટ) ફેન ઇન્સ્ટોલ કરેલા છે, જે આ સ્કીમના પ્રત્યેક એપાર્ટમેન્ટમાં ફ્રેશ અને હેલ્ધી એર પૂરી પાડે છે. જે ગ્રાહક આ સ્કીમમાં ઘર ખરીદવા માંગતો હોય તેને કંપની એક કેબિનમાં બેસાડીને ફ્રેશ એરનો અનુભવ પણ કરાવે છે. તેની 100 મીટર ઊંચી બિલ્ડિંગમાં 160 ઘર છે, જેની સાઇઝ 3,255 ચો ફૂટથી 11,132 ચો ફૂટ છે. એક ઘરની કિંમત ₹24 કરોડ છે.

from Page Array – I Am Gujarat https://ift.tt/33bm9Qt