યજ્ઞેશ મહેતા, સુરતઃ 15 વર્ષની છોકરીનું અપહરણ કર્યા બાદ બળાત્કાર ગુજારવાના મામલે સચિન પોલીસે શનિવારે અમદાવાદમાંથી 28 વર્ષના શખ્સની ધરપકડ કરી હતી. છોકરીએ પોલીસને જણાવ્યું કે શહેરના સચિન વિસ્તારમાંથી એક મહિલાએ 12મી ઓગસ્ટે તેનું અપહરણ કર્યું હતું અને આરોપીના પિતાને 70 હજાર રૂપિયામાં વેચી દીધી હતી.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
શખ્સ પર કડક નજર રખાયા બાદ પોલીસે અમદાવાદના સૈજપુરમાં આવેલા તેના ઘર પર રેડ પાડી હતી અને પીડિતાને બચાવી હતી. પોલીસે હરિશ સોલંકીની ધરપકડ કરી હતી જેના ઘરમાં છેલ્લા 4 મહિનાથી છોકરીને બંધક બનાવાઈ હતી. 22મી ઓગસ્ટના રોજ છોકરીનું અપહરણ કરવાના મામલે સચિન પોલીસ સ્ટેશનમાં ફરિયાદ નોંધાઈ હતી જે બાદ પોલીસે તપાસ હાથ ધરી હતી.
‘અમને અમદાવાદના સૈજપુર ખાતે છોકરીના લોકેશન વિશેની ચોક્કસ માહિતી મળી હતી ત્યારબાદ અમે તે ઘર પર દરોડો પાડ્યો હતો. છોકરીને બંધક બનાવનારની અમે ધરપકડ કરી છે’, તેમ સચિન પોલીસ સ્ટેશનના પોલીસ અધિકારીએ કહ્યું.
હરિશ મજૂર છે અને આજીવિકા પૂરી કરવા માટે નાના-નાના કામ કરે છે. પોલીસે આરોપીના પિતા ઈશ્વરની અટકાયત કરી છે, જેણે છોકરીને કલોલમાં રહેતી એક વૃદ્ધા પાસેથી ખરીદી હતી અને પોતાના દીકરા સાથે તેને પરણાવવા માટે અમદાવાદ લઈ આવ્યો હતો. હરિશે તેના ઘરમાં અનેકવાર છોકરી પર દુષ્કર્મ આચર્યું હતું.
‘છોકરી પ્રેગ્નેન્ટ છે કે નહીં તે બાબતો કોઈ સ્પષ્ટતા નથી. અમે તેને મેડિકલ તપાસ માટે મોકલીશું. છોકરીએ અમારી સામે નોંધાવેલી ફરિયાદ પ્રમાણે અમે હરિશ સામે બળાત્કારનો કેસ દાખલ કર્યો છે’, તેમ પોલીસે કહ્યું.
છોકરીએ પોલીસને જણાવ્યું કે, તે પોતાના સીવેલા કપડાં લેવા માટે દરજીની દુકાને ગઈ હતી અને જ્યારે તે પરત ફરી રહી હતી ત્યારે સચિન ચાર રસ્તા પાસેથી મહિલાએ તેનું અપહરણ કર્યું હતું. તેણે પોલીસને તેમ પણ કહ્યું કે મહિલાએ તેને કશુંક સૂંઘાડ્યું હતું જે બાદ તે બેભાન થઈ ગઈ હતી. જ્યારે તે જાગી ત્યારે કોઈ વૃદ્ધ મહિલા તેની પાસે હતી, જેણે થોડા સમય બાદ તેને ઈશ્વરને 70 હજાર રૂપિયામાં વેચી દીધી હતી. રેપ પીડિતાએ કહ્યું કે તે વૃદ્ધ મહિલા પાસે અન્ય ત્રણ છોકરીઓ પણ હતી.
શ્વાનને બાઈક પર બેસાડનાર વ્યક્તિને મળ્યો આટલા રૂપિયાનો મેમો
from Page Array – I Am Gujarat https://ift.tt/2MDxeEs
No comments:
Post a Comment