અમદાવાદઃ ઉત્તર ભારતમાંથી ઠંડા પવનો ફૂંકાતા શનિવારે શહેર 10.2 ડીગ્રી ઠંડીમાં ઠુંઠવાયું હતું. શહેરનું લઘુત્તમ તાપમાન નોર્મલ કરતા 2.1 ડીગ્રી ઓછું હતું. મહત્તમ તાપમાન 24.8 ડીગ્રી નોંધાયું હતું જે સામાન્ય તાપમાન કરતા 3.2 ડીગ્રી ઓછું છે. IMD (ઈન્ડિયા મિટિયોરોલોજિકલ ડિપાર્ટમેન્ટ)ના અધિકારીઓએ જણાવ્યું કે 23થી 28 ડિસેમ્બર વચ્ચે શહેરના તાપમાનમાં 6.8 ડીગ્રીનો ઘટાડો જોવા મળ્યો હતો.
હવે ટેલિગ્રામ પર મેળવો દરેક મહત્વના સમાચાર, શરૂ કરવા અહીં ક્લિક કરો
અમદાવાદીઓ આખો દિવસ ગરમ કપડાની ઓથ લેતા જોવા મળ્યા હતા. વસ્ત્રાપુરના એક IT પ્રોફેશનલ અભિનવ કુમારે જણાવ્યું, “મને શિયાળાની ઠંડી સવારે ચાલવા જવું ગમે છે.” કાંકરિયા લેક ફ્રન્ટ સહિત શહેરના તમામ મોટા બગીચા અને જાહેર સ્થળોએ સવારે ચાલવા આવતા લોકોની સંખ્યા છેલ્લા એક મહિનાથી વધી ગઈ છે.
IMDની આગાહી મુજબ રાજ્યમાં મધ્ય પ્રદેશના દક્ષિણ-પશ્ચિમ વિસ્તાર પર સર્જાયેલા સાઈક્લોનિક સરક્યુલેશનની અસર જોવા મળી રહી છે. IMDની વેબસાઈટ અનુસાર, “આવતા 48 કલાક સુધીમાં શહેરના તાપમાનમાં ખાસ ફરક દેખાય તેવું લાગતું નથી. ત્યાર પછી ધીરે ધીરે શહેરના લઘુત્તમ તાપમાનમાં વધારો થશે.”
હવામાન ખાતાએ કચ્છ, બનાસકાંઠા, વડોદરા, રાજકોટ, અમરેલી અને સુરેન્દ્રનગરમાં 29 અને 30 ડિસેમ્બરે કોલ્ડ વેવની આગાહી કરી છે. રાજ્યના બીજા વિસ્તારોમાં પણ ઠંડીનો ચમકારો જોવા મળે તેવી શક્યતા છે. કચ્છના અનેક શહેરોમાં 10 ડીગ્રી લઘુત્તમ તાપમાન જોવા મળ્યું હતું. ઉત્તર અને મધ્ય ગુજરાતના જિલ્લાઓમાં લધુત્તમ તાપમાન ડીસામાં 6.8 ડીગ્રીથી વડોદરામાં 12.2 ડીગ્રી જોવા મળ્યું હતું.
શહેરના એક ડોક્ટરે કહ્યું, “શ્વસનતંત્રની સમસ્યા અને સાંધાના દુઃખાવાના દર્દીઓ માટે શિયાળો ખૂબ અઘરો પડે છે. અમે આવા દર્દીઓને ધ્યાન રાખવાની સલાહ આપીએ છીએ.” તાપમાનમાં થતા ફેરફારને કારણે વૃદ્ધોને પણ તકલીફ પડી શકે છે. અત્યારે સાબરમતી રિવરફ્રન્ટ પરના તિબેટિયન માર્કેટ સહિત ગરમ કપડા વેચતા તમામ બજારોમાં ગ્રાહકોનો ભારે ધસારો છે.
શિયાળામાં ખાઓ ચ્યવનપ્રાશ
from Page Array – I Am Gujarat https://ift.tt/39f9qR0
No comments:
Post a Comment