સાપ્તાહિક રાશિફળ 16-22 ડિસેમ્બરઃ સૂર્ય અને ગુરુનો સંયોગ આ 5 રાશિ માટે અતિશય લાભકારી

આ સપ્તાહ ગ્રહોની દશામાં ઘણો ફેરફાર થઈ રહ્યો છે. સપ્તાહના પહેલા દિસવથી જ ગ્રહોના રાજા સૂર્ય દેવ પોતાના મિત્ર ગ્રહ ગુરૂની રાશિ ધનમાં પ્રવેશ લકરી યુતિ રચી રહ્યા છે. તેની જ સાથે કેતુ અને શનિ સાથે પણ સૂર્યોનો સંયોગ રચાઈ રહ્યો છે. આ પરિવર્તનથી કેટલીક રાશિઓને મોટો આર્થિક લાભ થશે જ્યારે કેટલાક માટે ખર્ચનો યોગ રચાશે. જાણો તમારી રાશીમાં શું છે આ સપ્તાહ….

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:

મેષ

તારીખ 17ના રોજ પત્ની અને પરિવારના કારણે વ્યથિત રહેશો. દિવસ નિરર્થક લાગશે. લોકો તમારી પીઠ પાછળ તમારી ખોદણી કરશે. વિશ્વાસઘાતની આશંકા રહેશે. આજનો દિવસ નિરાશાજનક રહેવાનો છે. વિદેશમાં કાર્યોને સફળતા મળશે. તારીખ 18 અને 19ના રોજ સફળતા મળશે. પતિ-પત્નીના સંબંધમાં આત્મીયતા વધશે. તારીખ 20, 21 અને 22 દરમિયાન પરિવાર સાથેના સંબંધો મજબૂત બનશે. અઠવાડિયાના અંતમાં ભાગ્યશાળી ફળ મળશે.

વૃષભ

આ અઠવાડિયા દરમિયાન 18થી 21 તારીખ દરમિયાન બપોરનો સમય વિશેષ અનુકૂળ નહીં દેખાય. જમીન-મકાન વાહનથી સંબંધિત સમસ્યાઓ ઉત્પન્ન થઈ શકે છે. તમારા મનમાં તેમના વિચાર ઉથલ-પાથલ કરશે. ઘર અથવા દુકાનમાં ચોરી થવાની આશંકા છે, સજાગ રહેજો. પ્રેમ સંબધમાં વાણી પર સંયમ રાખજો નહીંતો અંતર વધશે. જેમની સગાઈ થઈ છે તેવા જાતકોને પણ આ વાત લાગુ પડે છે. કામની વ્યસ્તતા વધારે રહેશે, જરુરિયાતથી શ્રમના કારણે તમારા સ્વાસ્થ્ય પર તેની અસર પડશે. 21 તારીખે તમારા માટે અનુકૂળ સમય દેખાઈ રહ્યો છે. પ્રિન્ટિંગ, રસાયણ, ગહન અધ્યાયનના ક્ષેત્ર, સરકારી કાર્યો સાથે જોડાયેલા લોકોને લાભ થશે. તમારી કોઈ મદદ કરે તેવું થઈ શકે છે. તમારી ખોવાયેલી વસ્તુ પાછી મળવાના યોગ છે. તમારા પિતાની ઉન્નતિ માટે સારો સમય છે. જો તમે લેખન ક્ષેત્રમાં કામ કરો છો તો કલમથી સર્જનાત્મક લેખન થશે.

મિથુન

તમારા વિચારોમાં નિરાશાવાદી ભાવ રહેશે. સરકારી વ્યવસાયમાં સફળતા પ્રાપ્ત થશે. 17 અને 18 તારીખે કોઈ પાર્ટી કે સમારોહમાં જશો. તમને વ્યવસાયમાં મહેનતનું ફળ પ્રાપ્ત થશે. ભાગીદારી પર ધ્યાન કેન્દ્રીત કરશો. 20, 21 અને 22ની બપોર સુધી સમય બરાબર નહીં રહે. આર્થિક ચિંતા મન પર હાવી રહેશે. આવકને નિયંત્રણમાં રાખીને ખર્ચ કરવો નહીં તો કષ્ટ પડશે. ઘરની વ્યક્તિની વાતથી તમારા દિલને ઠેસ પહોંચી શકે છે. અઠવાડિયાના અંતમાં રાહત સાથે સમય સમય પસાર થશે.

કર્ક

આ અઠવાડિયા દરમિયાન વાતાવરણ થોડું ટેન્શનવાળું લાગશે. નોકરી અથવા પ્રોફેશનની સાથે સ્થાન પર વરિષ્ઠ વ્યક્તિ અથવા પ્રતિષ્ઠિત લોકોની કૃપા મેળવશો, પણ તમાની સાથે વ્યવહારમાં તમને અહમ ન હોય તેનું ખાસ ધ્યાન રાખવું પડશે. 17, 18 તારીખ દરમિયાન તમારા સ્વાસ્થ્યનું ધ્યાન રાખવું, ખાસ કરીને પાચન સંબંધિત સમસ્યાઓ મુશ્કેલીમાં મૂકી શકે છે. આ સમયે કામનું ભારણ વધુ રહેશે, જેમાં પૂરતો આરમ કરવાનું ન ચૂકશો. આ સમયે તમારા મોસાળ પક્ષમાંથી કોઈના બીમાર થવાના સમાચાર મળી શકે છે. 19, 20 તારીખ દરમિયાન જે કામ લાંબા સમય સુધી કરવા માગતા હોવ તો તેમાં વિલંબ થવાની સંભાવના છે. આ સમયે યાત્રા કાર્યક્રમ રદ કરવો પડી શકે છે. 21 અને 22 તારીખ દરમિયાન જીવન સાથી સાથે મામૂલી વિષય પર મતભેદ થઈ શકે છે. સમજદારીથી કામમાં કોઈ પણ નિર્ણય સમજી વિચારીને ચર્ચા કર્યા બાદ જ લો.

સિંહ

17 તારીખ એટલે કે અઠવાડિયાની શરુઆતમાં કોઈ વિવાદમાં પડતા બચવું. તમારા કામમાં ખલેલ પડશે. 18 અને 19 તારીખ દરમિયાન અધિકારીઓને મળવાનું ફાયદાવાળું રહેશે. નોકરીમાં તમારો પ્રભાવ વધશે. 20 અને 21 તારીખ દરમિયાન વ્યવસાયમાં કોઈ મોટી તક મળી શકે છે. વિરોધીઓ તમારી સામે લાંબો સમય ટકી નહીં શકે. તમે ઘર અને પરિવારને પ્રાથમિકતા આપશો. 22 તારીખે ગ્રહની સ્થિતિ તમારા માટે ફાયદાવાળી રહેવાની છે.

કન્યા

કોઈ પણ નવું કામ શરુ કરતા પહેલા અને નિર્ણય લેવા માટે સમય અનુકૂળ નથી દેખાતો. જરુરિયાતથી વધુ વિચારો કરવાથી તમે અટકી જાવ તેવું થઈ શકે છે. હ્રદયમાં અશાંતિ સિવાય માતાની તબીયતની ચિંતા તમને પરેશાન કરશે. સૂર્ય પિતાના કારક છે જેનાથી આ સમય પિતા પર પણ ખરાબ અસર પડી શકે છે. વાહન-મકાન વગેરે વિષયોમાં સમસ્યા ઉત્પન્ન થઈ શકે છે. પૈતૃક સંપત્તિનો વિવાદ સામે આવી શકે છે. જ્યાં સુધી શક્ય હોય ત્યાં સુધી તેનાથી દૂર રહો. નોકરી-વ્યવસાયના સ્થાનમાં પરિવર્તનની તક મળી શકે છે.

તુલા

તમારા અઠવાડિયાની શરુઆત શુભ રહેવાની છે. પ્રોફેશન ક્ષેત્રમાં કંઈક નવું કરવાનું અથવા તો સ્થિતિને વધારે સારી બનાવવા માટેનો પ્રયાસ કરશો. શત્રુ અને વિરોધીઓ તમારી સામે પરાસ્ત થશે. રોજના જીવનમાં બદલાવ આવી શકે છે. આર્થિક તકલીફ દૂર થશે. લાંબા સમયથી ચાલી રહેલી ચિંતાનો અંત આવશે. તારીખ 20, 21 અને 22ની બપોરે મનમાં અશાંતિ રહેશે અને ક્રોધની સ્થિતિ રહેશે. સમજી વિચારીને શાંતિથી નિર્ણય લેવો.

વૃશ્ચિક

અઠવાડિયાના પહેલા દિવસે તમારા પ્રોફેશનલ વિષયોમાં નિર્ણય બદલાશે જીવન અને ખાસ કરીને પ્રિય વ્યક્તિને વધુ સમયે આપી શકશો. શુભ કાર્યો પર તમારો ખર્ચ વધશે. ઋણ લેવા માગો તો પ્રયાસ કરો તમારા પર દેવું ચઢી શકે છે. નોકરી-વ્યસાય સાથે જોડાયેલા લોકોની સ્થિતિ સામાન્ય રહેશે. વેપાર ક્ષેત્રમાં કામ કરવાવાળા લોકોને મંદ ગતિથી ફળ મળશે. મકાન અને વાહન સંબંધિત સ્થિતિ પ્રતિકૂળ બનતી દેખાઈ રહી છે, તેની સાથે જોડાયેલા કામ સંભાળીને કરો.

ધન

અઠવાડિયાની શરુઆતમાં કેટલાક વિધ્નો નડી શકે છે. આ સમયમાં તમારી ઉપર વધારે સરકારી અથવા કાયદાકીય ખર્ચવાળો કે વધારે ટેક્સ અથવા અન્ય પ્રકારનું ભારણ પડી શકે છે. પ્રભાવશાળી અને ઉચ્ચ પદ પર બેઠેલા લોકો સાથે સંબંધોમાં તણાવ આવી શકે છે. સ્વાસ્થ્યની વાત કરીએ તો પેટ કે માથાના ભાગે દુખાવો થઈ શકે છે. કરોડરજ્જુમાં પણ પીડા થઈ શકે છે. તમારી વિચારધારા નિરાશાવાદી રહેશે. માતા-પિતા સાથે આનંદદાયક સમય પસાર કરશો. જૂના મિત્રોને સંપર્ક કરવાનો પ્રયત્ન કરશો.

મકર

પાછલા મહિનામાં આવી હતી તે મુશ્કેલીઓમાં થોડી રાહત મળશે. ધીરે-ધીરે તમારી માનસિક સ્થિતિ સુધરતી જશે.  આ અઠવાડિયા દરમિયાન જાતક પર મિથ્યા આરોપ લાગવાની આશંકા છે. પિતાતુલ્ય કોઈ વ્યક્તિ બીમાર પડવાની સંભાવના બની રહી છે. આ અઠવાડિયામાં જાતકના સ્વાસ્થ્ય હેતુ સારો નથી. સ્વાસ્થ્યના મામલામાં તમારે ખાસ ધ્યાન રાખવાની જરુર છે. નોકરીમાં વરિષ્ઠ અધિકારી તમારાથી નારાજ થઈ શકે છે. વરિષ્ઠ કર્મચારીઓની સાથે આ અઠવાડિયે વાદ-વિવાદ થઈ શકે છે. સરકારી કર્મચારીઓની ઉપર કામકાજનું દબાણ વધશે.

કુંભ

તમે આવેશ, આક્રામકતા, ઉતાવળમાં ખોટું પગલું ના ભરી લો તેનું ધ્યાન રાખવું. ઉતાવળમાં ખોટું પરિણામ આવી શકે છે. તમારી કેટલીક ભૂલના કારણે બનેલા કામ પર પાણી ફેરવવા જેવી સ્થિતિ બની શકે છે. ગણેશજી કહે છે કે તમે ધીમે-ધીમે આગળ વધવાનું રાખો. કોઈ પગલું ભરો ત્યારે આંખો અને કાન ખુલ્લા રાખીને આગળ વધો. વિદ્યાર્થીઓ માટે ઉત્તમ સમય છે પણ ગણેશજી સચેત રહેવાની સલાહ આપી રહ્યા છે. પ્રતિદિન ઈષ્ટદેવ અને વિદ્યાની દેવી સરસ્વતી માતાનું સ્મરણ કરવાથી લાભ મળશે.

મીન

આ અઠવાડિયું તમારા માટે ઉત્તમ લાભદાયી નથી. નોકરી ધંધામાં વિધ્ન ઉત્પન્ન કરે છે. ચિંતામાં વૃદ્ધિ કરશે. તમારું મન વધુ ચંચળ અને દુવિધામાં રહેશે. ધનહાનિ થઈ શકે છે. શત્રુઓની સંખ્યા વધશે, સાવધાન રહો. ભાગ્યનો સાથ નહીં મળે, કાર્યમાં અસફળતા મળી શકે છે. સ્ત્રીવર્ગમાં તકલીફ થઈ શકે છે. 18, 19, 20 તારીખ દરમિયાન આવકમાં વૃદ્ધિ થશે. વેપાર-ધંધામાં ફાયદો થશે. ઉત્તમ ભોજન મળશે. મિત્રો સાથે આનંદમય સમય પસાર થશે. મનની મહત્વકાંક્ષા પૂર્ણ થશે. શુભ પ્રસંગનું આયોજન થઈ શકે છે. વૃદ્ધો અને મિત્રો પાસેથી સહયોગ મળશે.

Video: આ રીતે સવારે મંત્રોચ્ચાર સાથે કરો સૂર્ય નમસ્કાર, થશે અઢળક ફાયદા

from Page Array – I Am Gujarat https://ift.tt/2YOc0sy