સુરતઃ સુરતમાં રવિવારે સવારે સીંગણપોર વિસ્તારમાં એક 33 વર્ષનો વ્યક્તિ 50 ફૂટ ઊંચા મોબાઈલ ટાવર પર ચઢી જતા ભારે ઉહાપોહ મચી ગયો. એક કલાક સુધી ચાલેલા આ તમાશા બાદ ફાયર વિભાગની ટીમે હોઈડ્રોલિક પ્લેટફોર્મનો ઉપયોગ કરીને માનસિક રીતે અસ્થિર અને દારૂના નશામાં રહેલા યુવકનું રેસ્ક્યુ કર્યું હતું. બાદમાં તેને પોલીસને સોંપી દેવામાં આવ્યો.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
મોબાઈલ ટાવર પર યુવકને ચઢતા જોઈને નીચે લોકોનું ટોળું એકઠું થઈ ગયું હતું. કેટલાક લોકોએ તો પોતાના મોબાઈલ ફોનમાં જ યુવકનો વિડીયો ઉતારવાનું શરૂ કરી દીધું. સોશિયલ મીડિયામાં આ વિડીયો હાલ વાઈરલ થઈ રહ્યા છે.
સુરતના સીંગણપોર વિસ્તારમાં સવારે 11 વાગ્યા આસપાસ આ ઘટના બની હતી. સ્થાનિક લોકોએ ટાવર પર યુવકને ચઢતા જોઈને નીચે ઉતરવા માટે બૂમો પાડવા લાગ્યા. પરંતુ યુવક તેમને સાંભળ્યા વિના ઉપર ચઢતો રહ્યો. આ બાદ ટાવર પર ચઢીને તે થોડો સમય ઊભો રહ્યો અને પછી બૂમો પાડવા લાગ્યો. ઘટનાની જાણકારી મળ્યા બાદ ફાયર વિભાગની ટીમ 11.21 વાગ્યે ત્યાં પહોંચી ગઈ અને જો વ્યક્તિ નીચે કૂદે છે તો તેને નેટ વડે કેચ કરી લેવા માટેનું નક્કી કર્યું. જોકે અંતમાં હાઈડ્રોલિક દ્વારા વ્યક્તિને નીચે ઉચારવામાં આવ્યો.
ફાયર વિભાગના અધિકારીએ જણાવ્યું કે, યુવક હાઈડ્રોલિક સિસ્ટમમાં આવવા માટે તૈયાર નહોતો થઈ રહ્યો પરંતુ બાદમાં અમે તેને સાથે આવવા માટે રાજી કરી લીધો. તે નીચે ઊભેલા લોકોને ઊપરથી ગાળો આપી રહ્યો હતો. અધિકારીએ જણાવ્યું કે, યુવક માનસિક રીતે અસ્થિર જણાતો હતો અને દારૂ પીધેલી હાલતમાં હોય તેમ લાગી રહ્યો હતો. અમે યુવકને પકડીને આગળની કાર્યવાહી માટે પોલીસને સોંપી દીધો છે.
from Page Array – I Am Gujarat https://ift.tt/2tf0Tgm
No comments:
Post a Comment