અમદાવાદઃ 17મી નવેમ્બરે યોજાયેલી વિવાદાસ્પદ બિન સચિવાલય ક્લાર્કની પરીક્ષા દરમિયાન રાજ્યની 39 જેટલી સ્કૂલો સામે ગેરરીતિના આક્ષેપ થયા છે ત્યારે આગામી સમયમાં યોજાનારી ધોરણ 10 અને 12ની બોર્ડની પરીક્ષા માટેના આ પરીક્ષા કેન્દ્રો રદ થઈ શકે છે.
હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો:
રાજ્ય સરકારે પહેલાથી જ 39 કેન્દ્રોમાંથી 10 કેન્દ્રને ડીલિસ્ટ કરવાનો નિર્ણય લઈ લીધો છે, જ્યાં માસ કોપી થઈ હોવાનો ખુલાસો થયો હતો. માર્ચ મહિનામાં બોર્ડની પરીક્ષા યોજાવાની છે ત્યારે તે પહેલાં આવા વધું કેન્દ્રોની ઓળખ કરવામાં આવશે તેવી શક્યતા છે, તેમ રાજ્ય સરકારના સૂત્રોએ જણાવ્યું. ગુજરાત ગૌણ સેવા પસંદગી મંડળ (GSSSB)દ્વારા યોજાયેલી લેખિત પરીક્ષાનું પેપર ફૂટવાના મામલે સરકારે 16 ડિસેમ્બરના રોજ પરીક્ષા રદ કરી હતી.
આ પરીક્ષા 3,910 બિન સચિવાલય ક્લાર્ક અને ઓફિસ સહાયકોની ભરતી માટે લેવામાં આવી હતી. વિદ્યાર્થીઓના આક્ષેપોને લઈને 5મી ડિસેમ્બરે રાજ્ય સરકારે માસ કોપી અને પેપર ફૂટવાના મામલે સ્પેશિયલ ઈન્વેસ્ટિગેશન ટીમ (SIT)ની રચના કરી હતી.
આ મામલે વધુ પગલાં લેવા GSSSBએ હાલમાં ગુજરાત માધ્યમિક અને ઉચ્ચતર માધ્યમિક બોર્ડ (GSHSEB)સમક્ષ 10 કેન્દ્રોની યાદી રજૂ કરી હતી.
‘અમને 10 કેન્દ્રોની યાદી આપવામાં આવી છે અને અમે તેને રદ કરવાનો નિર્ણય લીધો છે. આ કેન્દ્રો બોર્ડની પરીક્ષાનો ભાગ નહીં બને. જો તેની નજીક કોઈ યોગ્ય સેન્ટર નહીં મળે તો આ કેન્દ્રની બિલ્ડિંગમાં પરીક્ષા લેવાશે પરંતુ સ્ટાફ અમારા દ્વારા મૂકવામાં આવશે’, તેમ GSHSEBના સેક્રેટરી દિનેશ પટેલે જણાવ્યું. ધોરણ 10 અને 12ની બોર્ડની પરીક્ષા રાજ્યભરના 650 પરીક્ષા કેન્દ્રો પર યોજાશે.
સૂત્રોના જણાવ્યા પ્રમાણે, જે 39 કેન્દ્રો પર રદ થવાની તલવાર તોળાઈ રહી છે, તે અમદાવાદ, સુરેન્દ્રનગર, સાબરકાંઠા, બનાસકાંઠા, વડોદરા અને મહિસાગર જિલ્લાના અને કેટલાક સૌરાષ્ટ્રના છે.
સરકારી પરીક્ષા માટે ધોરણ 10 અને 12ની બોર્ડની પરીક્ષાના કેન્દ્રો પસંદ કરાયા હતા કારણ કે તે સીસીટીવી કેમેરા અને અન્ય સુવિધાઓથી સજ્જ હતા. 6 લાખ કરતાં વધું ઉમેદવારોએ આ પરીક્ષા આપી હતી.
સ્થાપના દિવસ સમારોહ દરમિયાન સામસામે આવી ગયા કોંગ્રેસના બે નેતા
from Page Array – I Am Gujarat https://ift.tt/2Q4WEwN
No comments:
Post a Comment